Насруллагь Нури

Зари Насруллагь Нури (Эфендиев Насруллагь Нуриевич) I908-йисуз Самур округдин Къара-Куьре хуьре дидедиз хьана. Адан бубади ина, Ахцегь магьалдин Ялцугъ хуьряй атана, фекьивал ийизвай. Дербентда кьве йисан курсар куьтягьна, Насруллагьа I927-йисалай пенсиядиз экъечIдалди Ялцугърин мектебда муаллимвал авуна. I953-йисуз жемятдихъ галаз арандиз куьч хьана, Советский хуьре кIвалахун давамарна. Н. Нуридин "КIелуниз тади" тIвар алай сифте шиир I928-йисуз "ЦIийи дуьнья" газетдиз акъатна. Шаирди Советрин девирдикай, Ватандин ЧIехи дяведикай, ислягь зегьметдикай, тIебиатдикай цIудралди шиирар ("Сифте гаф", "ЧIехи диде", "Рагь", "Дагълаpa" ва мсб. ) кхьенва ва "Щирер" тIвар алай кIватIал печатдай акъудна. Заридин лап хъсан эсерар учебникра ва хрестоматийра гьатнава, мектебра чирзава. Насруллагь Нури I973-йисуз кечмиш хьана, Советский хуьре кучукнава.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.