Зи хайи чил – азад ватан,
Виш йисарин тарих авай,
Чи уьлкведин гьар са пата
Ви рухвайрин тариф ава.
Петроградда – вахъ Мегьамед,
Чукоткада Азиз ава,
Азербайжанда – Къазимегьамед.
Ви карта вуч чlехизава!
Вахъ бустанда – Алимирзе,
Балтикада Генрих ава.
Будапештда – игит Мирзе,
Карелияда – Салигьов вахъ.
Берлин къачур Абилов – хва,
«Багратион» Хийирбегни,
Вавай ийиз жеда дамах
Ви рухвайрал, уьмуьр экв тир.
Зи лезги чил – азад ватан,
Виш йисарин тарих авай,
Инанмиш хьухь, чахъ гьар садахъ
Ваз багъишжай са рикl ава.
Рубрика
Добавить комментарий