Самурдин вацl-Сабурдин вацl!

Рагь эхъвезва ви ятара,
Экуьн хийир ,Самурдин вацl!
Са хабар це а патарай,
Зи квахьнавай Сабурдин вацl!

Гьикьван гагъди къелкъведайтlа,
И тамарихъ тепейрихъ зун.
Вучиз икъван цигал ятlа,
Ви каф алай лепейтихъ зун?

Чи гъамарин сел яни вун,
Ван кутуна алахьзавай.
Лезги чилин шел яни вун,
Чlехи гьуьлуьхъ какахьзавай.

Ваз минет хьуй,зи хайи чил
Икl кьве патахъ паймир вуна.
Чун дуьньядин ватан течер,
Ватансузриз таймир вуна.

Варз эхъвезва ви ятара,
Няни хийир ,Самурдин вацl!
Чи тlалариз ая чара,
Эй зи халкьдин Абурдин вацl!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.