Пуд игит

(Лезгийрин риваят)
Зи дагъларал - дагълар ала,
Синерални - син ала.
Дуьньядал а син муьтIуьгъай
Я инсан, я жин алач.
МуьтIуьгъарун патал а син
Атанва къе игитар.
Хкаж хьана, кард хьиз, жегьил,
Звал акьалтна ивидал.
Ирид далдам, ирид зуьрне! –
Зурба кеф жеч вичелай,
Вичин лезги кьуьлзавай халкь
Акъатзава кIвачерай.
Гуьзетзава хуьруь игит,
Ам хкведай вахт хьана.
Амма жегьил синеллама,
Дагьар акваз къах хьана.
“ГьикI гададиз куьмек ийин?” –
Фикирдик ква кьуьзуьбур.
Агъсакъалдин меслятдал
Рази хьана вирибур:
“КIватIин инал къизил, гимиш,
Гьар садахъ вуч аватIа,
Кесиб кас я, хкведа ам
Акурла чи савкьатар”.
Йикъар фена, амма жегьил
ЭвичI хъувур гел авач.
- Зун хкведа! – маса игит
Хкаж хьана хъел аваз.
Виняй агъуз килигайла
Жегьилдин рикI агажна...
Пашман хьайи агъсакъалди
Явашдиз гъил хкажна:
“АскIан, чупур гада я ам,
Ашкъидин шем кун чна –
Чи хуьревай сифте гуьзел
Лейли гьадаз гун чна”.
ВикIегьвилиз табий хьайи
Руш экъечIна вижевай.
Хквез хьанач жегьилдивай –
Яман затI я кичIевал.
Пудлагьайда муьтIуьгъна син –
Лап кукIушдал ацукьна,
Амма кьулухъ вил вегьейла
Серсер хьана амукьна. ...
Садлагьана гъвечIи хуьрел
Гьужумна терс душманди –
Дереда сес гьатна бирдан
Турунинни къалхандин.
– Душманди чал гьужумнава! –
Ван атана винелай.
Гьарайна пуд игитдини
Хкадарна синелай.
Пуд жегьилни кукIвар хьана
Алукьайла рагарал.
Ватан кIани игитрикай
Амукьна и риваят.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.