Перейти к основному содержанию

Зияудин Эфендиев

Зияудин Эфендиев

Гьикаятчи, драматург ва таржумачи Эфендиев Зияудин Мегьамедович 1903-йисуз Куьре округдин Цмур хуьре дидедиз хьана. Ада Советрин власть патал женгера иштиракна. Дагъустандин партиядин обкомда, "ЦIийи дуьнья" газетдин редакторвиле, просвещенидин министрдин заместителвиле кIвалахна. 1920-йисалай З.Эфендиева гьикаяяр ва очеркар кхьиз башламишна. Адан сифте ктаб "Социализмдин маканар" 1932-йисуз печатдай акъатна. Гуьгъуьнин йисара писателдин къелемдикай гьикаяяр, повестар, романар ва абурун кIватIалар ("Муькъвел гелер", "Булахдал", "Гьуьлуьн лепеяр", "Яру-цIару кIватIар", "Муьгьуьббатдин цlелхем" ва мсб.) хкатна. З.Эфендиева драмадин эсерарни ("Гуьлзада", "Сенгердал пакама", "Къазимегьамед" Б. Айдаевахъ галаз) яратмишна. Урус писателрин: М.Лермонтован, В.Короленкодин, Н.Гоголан, Б.Горбатован ва мсб. эсерар лезги чIалаз таржума авуна. Зияудин Эфендиеван гьикаятдин эсеррай кIелзавайдаз лезги халкьдин 20-70-йисарин уьмуьр аквазва. Писатель 1947-йисалай СССР-дин писателрин союздин член тир. Ам 1980-йисуз Магьачкъалада кечмиш хьана.

Акимов Къ. Х. «Лезги зарияр»

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.