Дишьегьли

Чатухъанди ихтилатна фикириз:
- Арифар, куьн акьада зи гъавурда,
Дишегьли - им ракь я, эгер ифириз
ХьайитIа, ам кIанивал на какурда.
- Ваъ, - лагьана чехирчиди, - дишегьли -
Туьнт чехир я, шад ийидай гуьгьуьлар.
Ахпа моряк рахана: - Эхь, халаяр
Ухшар ава Каспи гьуьлуьн лепейриз -
Юмшагъ акваз гъида кьилел балаяр,
Фидай чка сал ийида луьтквейриз.
- Ваъ, дишегьли ухшар ава ракъиниз, -
Лугьуз шаир гьатна бирдан бягьсина, -
Ада гатфар гъида гьар са рикIиниз,
Цуькверин ни твада гьар са версина!
Дишегьли вич атана и майдандиз:
- Эхь, ракь я зун, эгер квез кIан хьайитIа,
Амма закай са вахтара инсандиз
Къалханар хьиз къандаларни ийидай.
Дем аватIа кутар гъиле яхъ вуна,
Килигмир вун рикIиз гудай таъсирдиз.
Хъваз жедачтIа, «зайиф я зун» лагь вуна,
Тахсир кутаз алахъмир вун чехирдик.
КIевайтIа ник цацари, цуьк алачир,
Керки къачу къацариз лап хуш жеда,
Чуплах жеда багъни, ви гъил галачир,
Чан-рикI такур дишегьлини пуч жеда.
ЦIайлапандин гапурралди лепеяр
АтIуз тIурфан атайтIа гьуьл кун патал,
Къуй са патахъ квахьрай кичIе луьтквеяр,
Къудратлу тир гимийриз рехъ хьун патал.
Ваъ, шаир, зун анжах нур туш ракъинин,
Зун гьакI нагъв я къефесравай лекьерин,
Зун акурла игит фида женгиниз,
Амма алчах чуьнуьх жеда серкIверик.
Эхь, кьадарсуз ихтиярар ганва заз,
Гьавиляй зун акъатзава кьиляй къе.
Лугьудай шит мецерин ван хьанва заз,
Ашкъини за вегьенва, бес, гъиляй къе.
Мад вучда кьван, хтай чIавуз дяведай
Итимри чун кьунай чпин гъилерал.
Амма гила дишегьлидал хъуьредай,
Кас итимдай гьисабич за чилерал!
Амма гзаф хъун хайитIа, «динегьли»,
А чехирди ийида рикI сефилар.
- Заз чидайвал, - гаф атIана лежберди, -
Дишегьли - им къуьл я, цанвай ягъварал:
КIвалахайдан кIвал ацIурда бегьердив,
Къайгъусузда кIватI хъийида къалгъанар.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.