Перейти к основному содержанию

Гьажибег Гьажибегов

Гьажибег Гьажибегов

Алим, критик ва драматург Гьажибегов Гьажибег Агьмедханович 1902-йисуз Ахцегь хуьре дидедиз хьана. Адан буба Агьмедхан Бакудин фяле тир. Гадади гьевесдивди Ахцегьрин урус мектебда, Темир-Хан-Шурада агитаторрин курсара, Москвада Коммунистический университетда ва аспирантурада кIелна. Ада лезгийрин сад лагьай "Цlийи дуьнья" газетдин редакторвиле, Дагъустандин тарихдин, чIалан ва литературадин институтдин директорвиле, маса жавабдар къаллугърал кIвалахна. Гь.Гьажибегова лезги ва Дагъустандин чIалар ва литератураяр ахтармишуник еке пай кутуна: лезги ва табасаран чIаларин алфавитар теснифна, лезги чIалан ва литературадин сифте учебникар ва хрестоматияр туькIуьрна, машгьур шаиррин (Етим Эминан, СтIал Сулейманан ва мсб.) ирс кIватI хъувуна, драмадин эсерар ("Адетрин къармахра" ва "Колхоз") кхьена ва хайи халкь савадлу авун патал еке зегьметар чIугуна. Адан къелемдикай 30-далай гзаф илимдин макъалаяр, 8 ктаб, литературадин эсеррин 10 кIватIал, цIудралди публицистикадин макъалаяр хкатна. Гь.Гьажибегов шаирни тир: адан "Билбил" шиир "Лезги шаиррин чIалар" ктабда (1927) гьатнава. Гьажибег Гьажибегов еке ватанперес ва инсанперес, зурба тешкилатчи, 1934-йисалай СССР-дин писателрин союздин член тир. Ам I937-йисан буьгьтенрик акатна, 1941-йисуз дустагъда кьена. «Лезги газетди» 2000-йисалай публицистикадин лап хъсан эсеррай Гьажибег Гьажибегован тIварунихъ галай премия тайинарнава.

Акимов Къ. Х. «Лезги зарияр»

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.