СикІ ва тум

Квезни чида – гъвечІи сикІрехъ,
Вич кьван кьве тум галайди.
СикІ паталди, лугьун за гьахъ,
Ам – бални я, балани.

Са чІавуз ада тумунал,
Вичин геллер шиткида.
Са-са чІавуз, ам тум патал,
Физ, ракьара акІида.

Комментарии

Сажидин Саиджа…

18.12.2015

Кьвед лагьай ц1арц1ин эхиримжи гаф тумунал кхьидайла, тумунао хьанва. О дин чкадал л туьк1уьр хъия.
А шиирдин автор куьн Сажидин халу я. Квехъ агалкьунар хьана к1анзава заз.
Алай йис чна Дагъустандин халкьдин шаир Ст1ал Сулейманан 145 яз акуна, Сулейманан йис яз къейд ийизва. Гьа кар себеб за квез са шиирни рекье твазва. Сажидин АЗИЗ ТИР ЭЛ

Азиз тир эл, шад я къе куьн акунал,
Ихьтин гуьзел мярекатдал атунал.
Шииратдин Шалбуз дагъ тир кьатIунал,
Чи бахтунай хайи кас я Сулейман!

Багьа жезвай гьар са цIийи йикъалай,
Арифдар я вири халкьдин рикI алай.
Кесиб синиф патал ракIар акьалай,
Ахъагъиз чан гайи кас я Сулейман!

Вири уьмуьр зегьмет чIугаз акъудай,
Ам шаир тир фяле-лежбер агудай.
Лигим хьана хатай чIавуз Бакудай,
Халкьдин векил хьайи кас я Сулейман!

Гьикьван дегиш хьайитIани девирар,
Мидаим я халис халкьдин шаирар.
Кьуьчхуьр Саид, Етим Эмин-магьирар,
Чи рикIерал гъайи кас я Сулейман!

Кьакьан аршда гъед тир хкахь тийидай,
Ам гьисабиз жени мегер кьейидай?
Лугьудай гаф, кIвалах чидай ийидай,
Халкьдин гьуьрмет хвейи кас я Сулейман!
:

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.