Ражаб Амирханов

Лезгийрин сад лагьай публицист ва зари-гьикаятчи Ражаб Амирханов I887-йисуз Ахцегьа дидедиз хьана. Кьве йисан урус школа куьтягьна, ам Бакудиз фена, фялейрин зегьметдик ва инкъи-лабдин гьерекатрик экечIна. Урус ва азербажан чIалар хъсандиз чирна, Ражаб макъалаяр ва гьикаяяр кхьинал машгъул хьана. I9I4-йисуз Москвадиз фена, университетдик экечГна, амма хъуьтIуьз стIалжем хьана, хуьруьз хтана. Ражаб Амирханова I9I2-I9I4-йисара Петербургда акъатзавай "Дагъустандин ярар" ва "Мусурманрин газет" газетриз са жерге макъалаяр ("Чи зайифвал", "Илим", "Шаирдин кьиникь", "Дагъустанвидин къейдер" ва мсб.) акъудна. И газетрин хсуси мухбир яз, Р. Амирханова лезги халкьдин ва Бакудин фялейрин четин гьалди-кай ачухдаказ кхьена, зегьметчи халкьдиз кIелун-кхьин чируниз ва девлетлуйрин пацукай азад хьуниз эвер гана. "Заз азадвал ва кIел-кхьин виридалайни багьа я", - малумарна мухбирди вичин са макъалада. Р. Амирханова лезги литературада сад лагьай гьикая -"ШакIуртдин чар" кхьена, ам I9I2-йисуз урус чIалал "Дагъустан-дин ярар" газетдин Ю-нумрадиз акъудна. Ражаб Амирханова лезги публицистикадин ва гьикаятдин бине кутуна. Ам I9I4-йисуз залан азардик кечмиш хьана, хайи Ахцегьа кучукнава.

Акимов Къ. Х. «Лезги зарияр»

Рубрика