Дидед чIалан экв

Кьве йис я Къебеле райондин Арзулла Регьимован тIва­рунихъ галай ЦIийи Дызахлы хуьруьн юкьван мектебда и тIвар алай мярекатар кьиле физ. ЦIинин мярекат Алина Бабаева, Тегьмине Камилова, Жале Эмирасланова, Эф­сане Хидирова ва Элназ Ашралиевади санал лагьай «Дидедин чIал» манидалди ачухарна. С.Ке­ри­мо­вади вичин гафариз кхьей и маниди мярекатдиз халисан лезги руьгь гъа­на. Ахпа лезги чIалан муаллим Ай­те­­кин Бабаевади шаир М.Меликмамедован «Зи бахтуниз акъатай чIал» шиир кIелна. Идалай гуьгъуьниз ада викторина кьиле тухун патал командайриз эверна. «Алпан» ва «Бубу» командайри чпин чкаяр кьуна. Аялри суалриз чIехи шан­кьунивди жаваб гуз­­вай. Тургай Фер­залиеван, Нурай Ал­лагьвер­диевадин, Ху­раман Ягья­ева­дин, Сем­ра Аслано­вадин ва масабурун гафунал туькIвей жа­ваб­ри вири гьейранарнай.

Викторина кьилиз акъа­­­тайла аялри ши­­­ир­рал, манийрал илиг­на. Гуьлчин Же­лиловади Ш.Э. Му­радован «Накьв ши­рин я», Гуьлай Ал­лагь­вердиевади К.Келентерлидин «Лезгидин руьгь квадарнач за», Гуь­лай ва Айчин Аш­ралиевайри М.Меликмамедован «Ва­тан», Леман Манафова ва Ханум Регь­мановади С.Керимовадин «Лезги чIал», Нурай Аллагьвердиевади ва Гуьл­нар Ашра­лиевади Э.Гуьла­лие­ван «Лезги чIал» шиирар фасагьатвилелди кIелна. Ламие Хасиевади, Жамале Мутал­либовади, Къумру Къе­­­дировади чи халкьдин манияр «Магьи Дилбер» ва «Перизада» рикI алаз лагьана мярекатдик верцIи дад кутуна.
Эхирда мектебдин директор Мир­земмед Мирзелиева, заведиш Навруз Бабаева, муаллимрикай Рамиз Регьи­мова, Феркъане Хасиевади, Ресмийе Ма­ме­довади, Рауф Бай­рамова ва ма­са­­буру мярекат арадал гъайи лезги чIа­лан муаллим Айтекин Бабаевадиз ва хайи чIалал рикI алай аялриз чпин разивал къалурна. Дидед чIал кIанарун, ам вини дережадив агакьарунин карда ихьтин мярекетрин роль чIехиди тирди къейдна.

АЙГУЬН ХИДИРОВА
"Самур" газет