Лезги чlаланни азербайжан чlалан гафалаг

КцIарин меркездин ктабханада и гафалаг чинал акъудунин (презентациядин) мярекат кьиле фена. Межлис сифте гафуналди ктабханадин зеведиш Загьир Мустафаева ахъайна. Ктабдин авторар тир Юсиф Халиловани Жавид Агьмедова гафалаг арадал гъуникай, расал хьайи заланвилерикай, куьмек гайи ксарикай гегьенш малумат гана. Ахпа гаф улуб акъуддайла адан харжияр чIугур "ЦФЦГ-С" тешкилатдин кьил Якобус ко Строу ва гьа тешкилатда менежер Чак Донетаз, илимрин доктор Бейбала Алескероваз, КцIар райондин прокурор Загьид Велиеваз, Хачмаз райондин векил Вакъиф Гьажиагъаеваз, илимрин кандидатар Гьасанбала Мамедов ва Муьгьуьббат Гьасановаз, КцIар шегьердин I нумрадин мектебдин директор Ариф Халиловаз, оброзованиедин отделдин методкабинетдин директор Къорхмаз Мурадоваз, муалимар Исам Герейхановаз, Санан Хелиловаз гана. Мярекатдал улуб герекди тирвиликай, адан полиграфиядин цIалцIамвиликай, халкьариз адакай жедай хийирдикай ихтилат фена. Улубдихъ галай гъалатIар, татугайвилер къалурунихъ галаз сад, юкьван мектебра лезги чIаланни литературадин тарсунин улубар авачирвиликай, цIийи гафарганар туькIуьрна чапдай акъудунин важиблувиликай,чапдай вядеда финансрин рекьяй гьалтзавай заланвилерикайни рахунар хьана. Иллагь хьи, улубдин чинал "гафалаг" ваъ,"гафарган" кхьин хъсан яз акуна чпин фагьумар малумарай ксариз. "ЦФЦГ-С"ди мярекатдин иштиракчийриз 120 ктаб пишкешна, гуьгъуьналлаз "Шарвилидин Сувар" тIвар алай видео-филм къалурна.

Вакъиф Муьшкуьрви
"Кцlар" газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.