Литературадин конкурсдин гъалиб ашкар хьана

Адет яз гьар йисуз Яран сувариз мукьа «Алам» журналди Лезги Няметан тIварунихъ галай литературадин конкурсдин гъалиб ашкар ийизва. Алатай йисан конкурсдиз иштиракчийри Ватандиз талукь лезги чIалалди кхьенвай, садрани чап тахьанвай прозадин эсерар, гьакIни шиирар декабрдин 31-далди ракъана канзавай. Конкурсдин жюрида Магомед Гьусейнов, Ярали Яралиев, Фейзудин Нагъиев, Арбен Къардаш, Видади Севзиханов хьтин чи тIвар-ван авайбурухъ галаз санал жегьил зари ва микитисрини чпин чка кьунвай.
Жюриди эсерриз 3 баллдин шкаладив кьимет гузвай. Конкурсдин финалдиз к1уьд касдин эсерар агакьанвай, абурукай сад проза, амайбур шиирар тир. Жюриди виридалайни гзаф балл ганвай эсерар Вакъиф Муьшкуьрвидин «Зи рикIин цIаяр», Лезги Бегьлулан «Диде Ватан» шиирар ва Репия Къарибовадин «Зи хуьр Кара-Куьре» очерк хьана.
Ватандикай виридалай хъсан эсердин автор чи шаир ва публицист Вакъиф Муьшкуьрви "Алам" журналдин редакциядин диплом ва премиядиз лайих акуна.
Барка ийизва чна куьн, Вакъиф малим!

Журнал "АЛАМ"

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.