Халкьдин дамах

Дагъустандин халкьдин артист Мамедов Мамедаз

Гила, дустар, яб акала,
Лагьанай хьи фад йисара,
Абдулкъадир Сайдумова:
“Халкьдин артист жеда Мамед”.
Лезги халкьдин дамах я вун,
Театрдин даях я вун,
Абурдин са чахмах я вун,
Чаз виридаз багьа Мамед. Гьуьрмет-хатур, хваш-беш чидай,
Вафалу тир рекье авай,
Куьмек я вун гьар патахъай,
Театрдин чирагъ Мамед.
Мад хьурай вун рикIе куз экв,
Хъсан хьурай ви гележег,
“Чи виридан я вун дирек”, - 
Лугьузва актерри, Мамед.
Цуькведавай яшлу тарар
Дагъустандин лайихлу артист Закерьяев Шихабдуллагьаз
Цькведавай яшлу тарар,
Гьа тараркай сад я хьи вун.
Шумуд лагьай цIийи гатфар,
Безетмишиз шад я хьи вун.
ЯхцIурни цIуд йисан къене 
Макан хьана лезги сегьне.
Жегьилризни хьанва чешне
Вуна кутур ери-бине.
Етим яз вун хьана чIехи,
Гила чIарар хьанва рехи.
Чи Ромео, къе чун вири
Ви суьгьуьрдик ква лап дерин!
Къуй ви уьмуьр хьуй гуьлуьшан,
Садрани тахьуй перишан.
Аллагьди ваз гурай сагъ чан,
Яшарни гьакI са виш йисан!
Цуькведавай яшлу тарар,
Садрани куьн тахьуй рехи,
Безетмишиз куьне багълар,
Кьилелни куь рагъ хьуй чими.
Чи рагъ муаллим!
Дагъустандин лайихлу 
муаллим, Абдулкеримов 
Магьмуд Абдулжелиловичаз 
Камаллу кас, муаллим хъсан,
Багърийризни багьа инсан.
Виридаз вун хьанва масан,
Тахтунаваз кьудкъад йисан.
Ви зегьметар чешне я чаз,
Ви насятар вине я чаз,
Ви чирвилер бине я чаз,
Чи намусдин дегьне муаллим.
Ви гьар са югъ сувар хьурай, 
Пеле акьаз шагьвар хьурай,
Кьилел экуь цавар хьурай!
Чи мани ви ялвар хьурай.
Несилриз чи рагъ я вун,
Уьмуьрдин чирагъ я вун,
Хуьруьгрин дамах я вун!
Чаз багьа Магьмуд муаллим.

Эминат Заирбегова
Лезги газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.