Эверунар гвани?

Гьамиша сифте кам вегьин пара залан кIвалах хьанвайди я.
1989-лагьай йисан октябрдиз Забит Ризванов, Байрам Селимов, Асеф Мегьман, Ибрагьим Гьуьсейнов ва Келентер Келентерли играми мугьманар хьиз Хачмаз райондин Лечетрин хуьруьз  илифнай…
И хуьре пуд касди –Шихметов Шихжамала, Агъакишиев Шагь­- мардана ва Шахбазов Кихлера Сулейман бубадин 120 йисан юбилей къейдин къарардиз атанвай. Программа туькIуьрайдалай кьулухъ чун чIехи зари Забит Ризванован патав фенай. Ада чун, гафарив лугьуз тежер гьуьрметдивди къабулнай. Сифте аквазвай жегьилри ийизвай ихтилатар ван хьайила Забит муаллимдиз хвеши жезвайди аквазвай. Чна туькIуьрай программадикай адаз пара хуш атанай.
Бес мярекатдиз къведайбуруз хайи чIалал гьикI ша лугьун? 
Чи арада полемика хьанай. Гьарда вичин рикIел атай  вариантар лагьанай. ЧIехи зари садални рази жезвачир. Садла­гьана сада: «Эвергун» лагьанай.

-Ваъ, чан хва, эвергун лозунг жезва, «эверун» хьайитIа хъсан жеда.
Эхь, и эверундин гафар Забит муалимди вичин гъилерив кхьена чав вахканай.
Бес «Эверунар» гьина чап ийин? А береда имани чIехи са проблем тир. Чун Гьилал Аскерован патав фенай.
-А квалах за туькуьрда. Анжах са шартIунал, «Эверунар» гьина ва ни чапнатIа  куьне хиве кьун тавуртIа. Чун рази хьанай. Гьилал Аскерова хиве кьурди чIехи са кIвалах тир.
Исятдавай жегьилар хъуьрен мумкин я. Ам вуч кIвалах тир кьван, адан тарифарни ийиз? Гила са геренда 2000 «эверун» чап ийиз жеда.
Ам гила я. А чIавара ахьтин кIвалахар анжах халкъдин рикI кузвай кьегьал ксари ийидай…
«РикIин гаф» кIватIалдин 30 йисан юбилейдиз чун КцIариз фейила, залдин къенез чун ахъайначир:
-«Эверунар» гвани?
-Ваъ.
-АкI ятIа атайвални хъвач!
-Яраб Аллагь, чунни ибру ахъайирвал туш жал?
-Квез куьн вуч зурба ксар хьиз аквазва?
Чна чIехи заридиз эверун тIалабнай. Забит муаллимдиз чун акурла:
-Вуж я Лечетрин кьегьалар къенез ахъай тийизвайди?
З. Ризванова чаз гайи а чIехи мас чи рикIелай садрани алатдач!

Шихжамал  Рамазананхва
"АЛАМ" журнал

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.