Премиядин лауреат

Цlийи йисан вилик чав шад хабар агакьна. Эдебиятда, журналистикада бегьерлувилелди зегьмет чlугвазвай шаир-сатирик, гьикаятчи, Россиядин журналистрин Союздин член, «Къурушрин сес» газетдин кьилин редактор, «Лезги газетдин» махсус мухбир Муса Агьмедов Дагъустандин халкьдин шаир Юсуп Хаппалаеван тlварунихъ галай премиядиз лайихлу хьана. 
   Къейд ийин, пуд йис инлай вилик Ю.Хаппалаеван тlварунихъ галай гьукуматдинди тушир мергьяматлувилин фонд тешкилнай. Ам арадал гъунин макьсад хайи чlаларал агалкьунралди яратмишзавай жегьилар ашкъиламишун, абуруз куьмек гун я. Милли чlаларалди кхьизвай жегьил авторрив Ю.Хаппалаеван премияр вахкунин мярекат гьар йисуз РД-дин писателрин Союзда кьиле физва. Мярекатдал лауреатрив пулдин премияр, махсус дипломар, орденар РД-дин писателрин Союздин председатель, Дагъустандин халкьдин шаир Мегьамед Агьмедова вахкана. 
   «Лезги ким», «Умудрин экв» ктабрин автор тир Муса стхадиз чна и агалкьун рикlин сидкьидай мубаракзава. Къуй вун агалкьунрин гурарай мадни винелди хкаж хьурай!

«ЛЕЗГИ ЧlАЛ» сайдин корр.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.