«Аламдин» ругуд лагьай кам

2012-йисан июндин вацралай Бакуда акъатзавай лезги культурадин «Алам» журналдин ругуд лагьай нумра чапдай акъатнава. Рангарин, 64 чиникай ибарат журналдин менфятлувални ерилувал маракь желбдай макъалайрини артухарзава. Гьелбетда, тlвар-ван авай зарийри, журналистри медениятдизни эдебиятдиз, хайи чlалаз талукь макъалаяр чапзавай периодика вири кlелдайбур патал савкьат я. 
Ингье чи гъиле и йисан июндиз акъатнавай цlийи нумра ава. «Чи кьуьлер», «Чlалан тарих», «Сеняткарвал», «Юбилей», «Шагь-Эмир Мурадован 100 йис», «Чи тарих», «Цlийи конкурс», «Ихтилат», «Чи классикар», «Жаваб хтана», «Марвардин» чин», «Литературадин кружок» ва маса рубрикайрик кваз жуьреба-жуьре авторрин макъалаяр чапнава. Къейдна кlанда хьи, журналда макъалаяр лезги, урус ва сад-кьвед азербайжан чlаларал чапзава. 
«ЭС» газетдин къведай нумрада чна кlелзавайбуруз журналдин редактор Къурбаналийрин Камранахъ галаз кьиле тухвай ихтилат теклифда. 
Журнал гъилик ийиз кlанибурувай чи редакциядиз са хабар гайитlа жеда. Квев агакьарун патал чна са рехъ жагъурда. Са нумрадин къимет 200 манат я.

 

К.КЪАЛАЖУХВИ
«ЭС» газетдай

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.