Мамрач Къазанфарбег

Алим ва шаир Зулфикъаров Къазанфарбег I843-йисуз Куьре округдин Мамрач хуьре дидедиз хьана. Ада Вини Ярагъдал Гьажи Исмаил-эфендидин медресада кIелна, илимрин дибар ва РагъэкъечIдай патан чIалар чирна. Къазанфарбега лезги чIал ахтармишзавай урус алим П. К. Услараз, таржумачи яз, еке куьмекар гана. И карди адаз сад лагьай лезги азбука кхьидай мумкинвални гана: лезги букварь I87I-йисуз Темир-Хан-Шурада "Куьредин абжуз" тIвар алаз печатдай акъатна. Им Усларан алфавитдал акъатай сад лагьай лезги ктаб я. П. К. Услара Къазанфарбеган алакьунриз еке къимет гана. М. Къазанфарбег шаирни тир: "Етим Эминаз жаваб" шиирда ада вичин дустуниз "дели-диванадиз чирагъ куькIуьрайди" лугьуз-ва, ам шаирдихъ галаз, "эй, азиз" лугьуз, рахазва. Мамрач Къазанфарбега лезги халкь савадлу хьун патал гзаф зегьметар чIугуна. Ам I877-йисуз Туьркиядиз куьч хьана, гьана рагьметдиз фена.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.