Перейти к основному содержанию

ЦIийи календарь

И мукьвара Бакуда 2012-йис патал Лезги литературадин календарь чапнава. Рангунин жилдера туна, безетмишна туькIуьрнавай и календарда лезги халкьдин майишатдин вахтарни чи зарияр дидедиз хьайи йикъар ганва. ГьакIни сифте яз акъуднавай календарда лезги суваррикай къейдерни кхьенва. Хайи ва кьейи варцар малум тушир шаирринни писателрин тIварар календардин эхирда кьилди ганва. Гьар са лезгидин столдал хьуниз лайихлу и календарь Жалал Жалалова туькIуьрна, Этибар СтIурвидин чапханада акъуднава. Гьар йисуз “Лезги газетдани” “Самур” журналда лезги литературадин куьруь календарь чапзава. Амма ктаб хьиз туькIуьрна Лезги литературадин календарь сифте яз акъуднавай Ж.Жалаловазни Э.СтIурвидиз чухсагъул! Гьайиф хьи, цIийивилерихъ, хъсанвилерихъ галаз санал гъалатIризни рехъ ганва. Мисал яз, Алирза Саидов, Шагь-Эмир Мурадов хьтин, лезги эдебиятдин классикар тир, хайи ва кьейи йикъар чизвай ксарин тIварар календардин эхирда ганва цIийи кIвалахда орфографиядин хейлин гъалатIар¬ни амукьнава. Умудлу я, Азербайжан пата яшамиш жезвай чи кьегьал рухвайри 2013-йисан лезги литературадин календарь акъуддайла и ва маса гъалатIриз рехъ хгудач.

Дагъви ШЕРИФ 
"ЛЕЗГИ ГАЗЕТ"

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.