Элкъведай тIварцIиэвезар

Жув, вич, чеб тIварцIиэвезриз элкъведайбур лугьуда. И тIварцIиэвезар предметри ийизвай крар, я предметар чеб паталди тирди къейд ийидайла, са гьерекатдин таъсирдик а гьерекат кьиле тухузвай предмет вич акатзавайди ва я са предмет низ, гьи касдиз талукьди ятIа къалурун паталди ишлемишда.
Жув тIварцIиэвез сад ва кьвед лагьай ксариз талукь яз ишлемишда, месела: 1) За жувакай фикир ийизвач, жуван начагъзавай дидедикай фикирзава; 2) Вуна жуваз са улакь жагъура; 3) Жуван чка виридалайни хъсан чка хьиз аквада.
Вич тIварцIиэвез 3-касдиз ва я са затIуниз талукь яз ишлемишда: месела: 1) Ада вич лап вине кьазва; 2) ТIагьира вич накь хтана лугьуз­вай; 3) Алидив са ктаб гвай, вични лап цIийи ктаб.
Чеб тIварцIиэвезни пуд лагьай касдиз (гзафвилин кьадар) ва са шумуд затIуниз санлай талукь яз ишлемишда, месела:
1) Абуру чеб тарсуна хъсандиз тухузва; 2) Эминатни Пери чпин кIвализ хъфена, чпиз кIандайвал яшамиш жезва; 3) Хуьруьн къерехда пуд чIехи кIвалер авай. Чебни а саягъда эцигнавай хьи, акур инсан гьейран жедай.
Элкъведай тIварцIиэвезри чпиз хас тир тегьерда ксарин тIварцIиэвезар эвез ийида ва я ксариз ишара ийида.
Жув тIварцIиэвез, II жуьредин существительнияр хьиз, вич, чеб гафар, I типдин сушествительнияр хьиз, падежриз дегиш жеда.

"Самур" газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.