Шарвили хуникай риваят

НикIин къерехдал ксанвай Цуьквераз ахварай экуьнин гъуц Шемерхануман итим Алпан гъуц акуна. Алпан гъуцра адаз лагьана:
— Вун гъуьлуьз фена ирид йисни, ирид варзни ругуд югъ я, амма вахъ балаяр авач. Зани Шемерханума ви язухар чIугвазва. ГьакI хьайила, и чуьлдиз атана, вуна хъсан карна. За ваз са меслят къалурзава: жуван патарив гвай векьер-кьаларикайни цуькверикай—виридакай тIимил-тIимил неъ, пешерилай чиг хъухъ. И кар пуд юкъуз, гьар юкъуз пуд сеферда, тикрар ая. Анжах кIвализ хъфидай рекье кIвач хатадай цIимилдални жанавурдин гелел алукьиз тахьуй!..
Ахварай аватай Цуьквера вичиз Алпан гъуцра лагьайвал авуна: къваларив гвай векьерикайни цуькверикай — гьардакай тIуьна, пешерилай чигедин яд хъвана. И кар ада пуд юкъуз, гьа вичиз лагьайвал, кьиле тухвана. Амма пуд лагьай юкъуз, эхиримжи сеферда, кIвализ хкведай рекье, фикирдай акъатна, адан кIвач цIимилдални алукьна, жанавурдин гелелни. И кар себеб яз, вичизни хабар авачиз, рекье санал, адан бедендикай хкатна, векьерал шуьмягъ кьван авай са аял аватна.
Цуьквер хъфена. Векьерал аватай аялди са арадилай хьиз къал къачуна, ам кГевиз на. Патавай физвай жанавурди, язух атана, адаз нек гана. И чIавуз жанавурдин гуьгъуьна гъуьрчехъан авай кьван. Жанавур катна. Амма гъуьрчехъанди ам яна, кьена. Са вахт алатна—аял мадни шехьна. Адан язух атана, патавай физвай дагъдин са цIегьре адаз нек гана.
И цIегь квай суьруьдин гуьгъуьнани гъуьрчехъан авай кьван. Ада кьун язавай хьел галукьна цIегьрехъ. ЦIегь кьена. Гила за квез хабар никай, квекай гун? Хабар — цIимилдикай!
Шехьзавай аялдин ван хьана ва адан язух атана, экуьнин гъуц Шемерханума цIимилдал вичин нурар алтадна. Бирдан цIимилдал чан атана. Куьне фикир ганатIа, и цIимилдал аялдин дидедин, Цуькверан кьуьл алукьайди тир.
ЦIимилдикай хьайи гьайванди аялдиз нек руз эгечIна. Аял фад-фад, сятералди, декьикьайралди чIехи жезвай, адахъ галаз сад хьиз, нек гузвай гьайвандикайни зурбади жезвай.
ЧIехи хьана, кIвачел акьалтна, чамарда гьатай аялди, тух тахьана, вичиз нек гайи гьайванни тIуьна.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.