Тагьиржалви Эмирали

Алим ва шаир Эмирали 1790-йисуз Къуба магьалдин Тагьиржал хуьре дидедиз хьана. Ада сифте хайи хуьруьн ва Къубадин, ахпа Вини Ярагъдал Мегьамед-эфендидин медресайра кIелна, диндин ва тIебии илимар, РагъэкъечIдай патан чIалар чирна. КIелдай йисара адаз Вини Ярагъдал Дагъустандин гележегдин имамар, Къази-Мегьамед ва Шамил, мукьувай чир хьана. Эмиралиди вичин эдебиятдин эсерар лезги ва туьрк чIаларал теснифна: абур яшайишдикай, инсанрин гьиссерикай, азаб-зулумдикай я. "Дурнаяр", "Жагъурда", "Лугьуз-лугьуз", "Жедач" ва маса эсеррай Эмиралидин устадвал аквазва. Тагьиржалви Эмиралидиз Алкьвадар Гьасана вичин "Асари Дагъустан" ктабда еке къимет ганва: "Къуба уезддин Тагьиржал хуьруьн эгьли Гьажи Эмирали-эфенди гьакъикъи алим ва камалэгьли хьана". Шаирдин ирс кIватI хъувунин карда М. Ярагьмедова ва А.Мирзебегова еке зегьмет чlугуна. Тагьиржалви Эмирали 1846-йисуз гьяждилай хкведай рекье кечмиш хьана.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.