Перейти к основному содержанию

Сфи-эфенди

Зари ва алии Сфи-эфенди 1770-йисуз Самур магьалдин Йигул хуьре дидедиз хьана. Чирвилерихъ ялзавай жегьил Миграгърин медресадиз атана. Машгьур алим Абдулгъани-эфендидин гъилик кIелна, диндин ва тIебии илимар, РагъэкъечIдай патан чIалар чир-на, хзан кутуна, ам Миграгъа бинелу хьана. Гуьгъуьнин йисара Ахцегьрин ва Игъиррин алимрин гъилик чирвилер хкаж хъувуна, "эфенди" ва "шейх" дережайриз лайихлу хьана.
Сфи-эфендиди Миграгърин жуьмя мискIиндин имамвиле ва хуь-руьн къазивиле кIвалахна, вичин медреса ахъайна, гзаф йисара ана сухтайриз дикдин ва тIебии илимрин тарсар гана. Сфи-эфенди зарини тир. Ада лезги, араб ва туьрк чIаларал яшайишдикай, тIебиатдикай ва муьгьуьббатдикай шиирар тесниф-на. Месела, "Мазан Къемер хьтин рушариз", "Яйнахар", "Ахцегь-ви Мирзали илифайла", "Секинсуз Ярагъ Мегьамедаз", "Эренлер", "Йигулриз-ругулриз", "Я Аллагь, вун чаз хьухь куьмек" ва маса чIалар XX асирдин 60-70-йисара яшлу инсанрин рикIел аламай. Иллагьияр ва сувариз бахшнавай чIалар мелера ва никIе-векье инсанри, мискIиндин минарадилай мижеверри, абурукай яз шаир Миграгъви Мардалидини, везиндалди лугьудай. Сфи-эфендидиз вичин девирдин камалэгьлийрихъ: Ахцегьви Мирзе Алидихъ, Ярагъ Мегьамедахъ ва масабурухъ галаз яр-ду-ствилин, хванахвавилин сих алакъаяр авай. Ада, Ахцегь Мирзе Алиди хьиз, тIебии илимрихъ ялзавай ва сухтайриз ихьтин жумла тикрардай: "Вири таб я, илим - гьахъ". Чи "Ракъинин муг" роман-дин (I984) бинеда Миграгъви Сфи-эфендин кьадар-кьисмет ава. Сфи-эфенди 1835-йисуз кечмиш хьана, Миграгърин Агъа Сепиндин сурара кучукнава.

Акимов Къ. Х. «Лезги зарияр»

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.