Демина манияр

Мехъер кIвале дем ава.
Мехъер кIвале тIем ава.
Мехъер кIвалин гьаятда
Са маса алем ава.
Ша лагь яран дидедиз.
Ша лагь чамран дидедиз.
Лезгинка ягь, капар ягь.
Ша лагь сусан дидедиз.
Кайванияр сад хьурай.
Кайванияр шад хьурай.
Гъенел алай къавумар
Вири санал кIватI хьурай.
Рушар атуй кьуьлериз.
Сусар атуй кьуьлериз.
Папари кьуьл тавуртIа,
Регъуь хьурай гъуьлериз.
Ша лагь яран бубадиз.
Ша лагь чамран бубадиз.
Ван чукIурай мехъерин
Вири элдиз, убадиз.
Кайванияр сад хьурай.
Кайванияр шад хьурай.
Гъенел алай къавумар
Вири кIвализ кIватI хьурай.
Фад атурай тамада.
Шад атурай тамада.
Арачидиз эрекь це,
Хъвадай такьат куматIа.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.