Перейти к основному содержанию

"Лезги газет" дай

Хуьзва къацу парталди
Вуна вич тIуьн паталди.
КIарас я вич, акурла,
Хада, кIута акьурла.
* * *
Къуьлни, нехвни, мух неда,
Амма ам вич тух жедач.
* * *
Сала - къацу кIекIецар,
Чеб вири я мекецар.
* * *
Килигайла кац я,
ТIуьн тамам яц я.
* * *
Гатада, гатада -
Шехьдач, кIевиз рахада.

* * *

Бадени вич дустар я,
Вич гъалунин устIар я.

* * *

ВикIегьди, зирекди,
Гьаятда вич герекди.

* * *

ГайитIа куруни,
Къачудайди тIуруни.

* * *

КIвачера тур гьава, гар,
Ялда ада чIехи пар.

* * *

КIватIда яд, кIватIда яд,
Артух тежез катда яд.

* * *

ЦIикьвед гуьзел абалади,
Рехъ атIуз са бубадин.

* * *

Вич такIанди ахмакь я,
Акьуллудан дамах я.

* * *

Чеб я цIару аламатар,
Гвай терхеба малуматар.

* * *

Сарарик акатда,
Гьасятда хкатIда.

* * *

Хци гзаф сарари,
Зурар гуда гъварариз.
Виже къведач авачиз,
Кар жедач, вич галачиз.

* * *

Ава гзаф жгъаяр,
Вич кIарабрин агъа я.

* * *

Туш алчахар, къачагъар,
Рангарин я къуччагъар.

* * *

КIвачер квачиз къекъведа,
Гьар затIунихъ гелкъведа,

* * *

Хъелни къведа, дакIвада,
Вич санайни аквадач.

* * *

Яд туш - авахьда,
Къапунилай алахьда.

* * *

Кьуьд хъфейди хабар гуз эгечIда,
Накьварикай шаддаказ хкечIда.

* * *

Сад чин я, сад - астIар,
Вахтунин чеб я дустар.

* * *

Вич циз ухшар са затI я,
КIезрийрикай азад я.
КIан хьайила, атана
Аквада чил ацIана.

* * *

Гагь кьелечI, гагь яцIу я,
Экв хьизни вич лацу я.
Акур чIавуз аялар шад жеда,
Ахпа рикIел виридан гад къведа.

* * *

Чеб чилерал алайбур,
Кьакьан беден авайбур,
Туш инсанар, гьайванар,
Галайбур туш айванар,
Гвайбур туш фурс, дамахар,
АлатIани бапIахар.

Рубрика

Комментарии

Джанет
18.10.2018

Хинавайди ответар?!

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.