Мазали Али

Бажарагълу шаир Мазали Али виликан Самур округдин (гилан Ахцегь район) Мацарин хуьре 1850-йисуз дидедиз хьана. Ада кIел-кхьин хуьруьн медресада чирна. Вичихъ дерин кьатIунар ва хци зигьин авай гададивай кIелун давамариз хьанач. Ада чубанвал ва лежбервал ийиз хизан хуьзва. Манияр туькIуьрун, саз ва кфил ягъун Алидин рикI алай кар тир. Шаирдин зегьметчийрин дерди-бала ачухарзавай чIалари ва ширин ванци адан тIвар халкьдин арада машгьурна. Хуьруьн уьмьурдин дар шартIар ва гьахъсузвилер эхиз тахьай Али Азербайжан патаз Хьилерин хуьруьз куьч хьана. Шаирдин «Ватан» ва «Жегьилриз тавакъу», «Жемятдиз» эсеррай аквазвайвал, инани адаз са экв аквазвач. Кесибар гьина хьайитIани, абурун кьадар-кьисмет сад тир. Мазали Али 1890-йисуз кечмиш хьана.

Акимов Къ. Х. «Лезги зарияр»