Я

Я асайрикай хьанач, я мусайрикай.
Я ягь хьанач, я яц хкатдай жунгав.
Як такурдаз тухул къалура.
Я як хьурай я як кьван дуркIун.
Я лидин хьанвай, я пинедин.
Я чин кIанда, я астIар.
Я буба шала жеда, я шала кIула.
Я бурж квайди кIанда, я умуд.
Я гайибурукай хьанач, я кайибурукай.
Я рекьиз жериди туш, я хуьз.
Я хуьре хала авач, я нехирда дана.
Я такьалтIар пул кIанда, я ширин мез.
Явадахъ кIвал жедач. Я тама татугай, я кIвале.
Я деве рекьида, я девечи.
Я эвел, я эхир.
Я фуак кьел кIанда, я жувак.
Яб архайин, кьил архайин.
Яд тагуналди затI хкатдач.
Яд вацIарай, фу хуьрерай.
Яд рагьулмир цIегь.
Яд къведай къубудай кьусу гвямир.
Яд къведай патахъ кьусу гекъягь.
Яд авай вирера яд кими жеч.
Яд булахдай, тIуьн яйлахдай.
Яд вацIун кьиляй рагъул жеда.
Яд атIай регъв хьтин аквада.
Ядай хва бубадал алукьдач.
Ягъай хьел кьулухъ элкъведач.
Ярдивай къакъатайди ирид нисуз, ватандивай къакаътайди уьмуьрлух шехьда.
ЯркIа къуьлерни жеда, къуьлуьн фуарни.
Ярх хьайи тараз якIв ядайбур гзаф жеда.
Яц жедай дана лакадилай чир жеда.
Яц кьейитIа як, гъелерар хайитIа цIай.
Яц тухвайдалай гуьгъуьниз дарванзриз тар яда.
Яц тухунал тIвар алатдач.
Ялдай яц гьамиша викIиник жеда.
Яцра цайиди яцра тIуьртIа, амайбур гишила амукьда.
Яцни кIек сад-садакай хкудиз жедач.
ЯкIунни кикен арада гьахьмир.
ЯкIуз килигмир, халатдиз килигмир, гъиле авай алатдиз килиг.
Як къачуз дакIанди ятурдик кукIуда.
Як недач, шурпадив мажал вугудач.
Я руфун тух жедач, я дун цIийн.
Я къачуз жедач, я эцигиз.
Яр чарадан, тIвар жуван.
Яда, ваз ван хьаначни, къуьр атана тфенгдихъ галукьайла гъуьрчехъандай гьарай акъатна.
Як лагьайла яру гъалуниз килигда.
Яракь хцидаказ хуьх лагьай бубаяр гьахъ я.
Як куькди хьайила шурпади вилер экъисда.
Як алачтIа, кIарабар сагърай.
Я къайининедихъ иман авач, я свасахъ дин.
Яхул бармак чIулав рекьел пIир хьана, ругун чIугур рат рушарин хур хьана.
Явашдиз рахух, цлак япар ква.
Яд хъварла гъуьлягъди ктаддач.
Я кар кIанда, я каргачи.
Яд авай чкада уьрдегин жеда.
Я за рекьин, я зун.
Я шейтIандиз яракь туш, я пIирез чирагъ.
Я паз тахьай, вилиз такур кардихъ инанмиш жемир.
Яд хуьн тийир чIутхвардиз цIапар вигьида.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы