Хъ

Хъсан дуст еке хазна я.
Хъсан дуст пис юкъуз герек жеда.
Хъсандаз къимет, писдаз лянет.
Хъсан къунши стхадилайни хъсан я.
Хъсан гачала вичин кьил чухвада.
Хъсан кьевцIелай пис кьелид хъсан я.
Хъсан балкIандиз къирмаж герек туш.
Хъсанвал инсандин кьилизбала я.
Хъсанвал жедачтIа, писвални ийимир.
Хъсан юкъуз яд кас, пис юкъуз стха хъсан я.
Хъсанвал рикIелай фидач.
Хъсанвал рикIелай алатун мумкин я, писвал гьич рикIелай алатдач.
Хъсанвилиз писвал ийимир.
Хъсан свас тир сив квачиртIа.
Хъсан кIвалахдин жафа квахьдач.
Хъсан бубадихъ пис велед жеда.
Хъсан ич таракай яргъаз аватдач.
Хъсан касдиз чан аламаз гьуьрмег, кьейила рагьмет къведа.
Хъел атайла акьул катда.
Хъвадай чкадал лагьай гафарихъ яб акалмир.
Хъвадай чкадал намердин мерд жеда.
Хъел атунин сифте деливал, эхир кьил пашманвал я.
Хъипери куьтягь тахьуй лугьуз палчухдиз мез гуда.
Хъел кваз, хьен такваз.
Хъел атайла деведини тфу ийида.
ХъуьтIуьз гъани кьванди, гатуз бакара къведа.
Хъун гунагь туш, цун гунагь я.
ХъуьтIуьз тухвайди кицIи тухвай гьисаб я.
ХъутьIуьн суьрсет гатув гва.
ХъуьтIуьн гьазурвал гатуз, гатун гьазурвал хъуьтIуьз авуна кIанда.
ХъуьтIуьхъ гатфарни гала.
Хъархъун кIарасдикай чуьнгуьр жедач.
Хъархъун кIарасдин цIайни, яргъад мирес сад я.
Хънткьердиз аватай цуькIуьн твар хьиз квахьна.
Хъчар тIуьрди сарарилай чир жеда.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы