П

Пис гаф инсанда гуьлле хьиз акьада.
Пис паб авай кIвал жегьеннем я.
Пис къуншиди итим русвагь ийида.
Пис хабар фад агакьда.
Пис яшайишдилай, хъясан кьиникь къудай я.
Пис юлдаш гъуьлягъдилай бетер жеда.
Писди такунмаз, хъсандан къадир чир жедач.
Пис дишегьли ацукьайла вич гатут, къарагьайла чил.
Пис кIвалах хуьряй-хуьруьз чкIида.
Пис пабни кьий, пис балкIанни.
Пис йикъан уьмуьр куьруь жеда.
Пис кар аквадай вилерн аязух я.
Паб кьейитIа балдуз сагърай.
Паб кьейила балдуз авачирдаз кичIе хьурай.
Паб ава кIвал туькIуьрдай, паб ава кIвал чIурдай.
Папа чIур тавур кIвад аллагьдивайни чIуриз жедач.
Пака лагьай миргик тум хьанач.
Пака гудай вечрелай къе гудай кака хъсан я.
Пакамаз къарагьай темпелдиз фу аквада, викIегьдаз кар.
Пакамал вуж рекьIин, вуж амукьин.
Памбагар гвайдаз лацу кац акурла дакIан жеда.
Памбагдин месел кIвач кьецIи хьана.
Пара кIанидав тIимилни гакьадач.
Партиядин акьул, халкьдин лувар я.
Парах серкердин панагь я.
Пар алачир ламра юргъ къачуда.
Пар залан хьайила, лам викIегь жеда.
Пер гьинихъ ягъайтIа, яд гьанихъ фида.
Патишагьдихъ галаз дяведиз, патишагь кIанда.
Пехъи кицIин уьмуьр яхцIур югъ я.
Пехирар дуьздал акьалтда.
Пехъи кицIиз вичин иеси чиз амукьдач.
Пайгъамбарди эвелдай вичин чандиз дуьаяр ийида.
Пилиди тухвайди закатдай гьисабда.
Патай къведайди са нафтни кьел хьурай.
Пияндаз экв рухунай аквада.
Пияндаз вири са виляй аквада.
Пияндаз кIвализ мугьман атунилай кIани кар авач.
Пагь жувахъ авачир затI масанай жагъидач хьи.
Пакани кьий ахпани, чан гьиляй-гьилиз.
Пул инсандин душман я.
Пар тагай бочкади яд хуьдач.
Патахъ тар тама тахьуй.
Пулдик берекат квайтIа, ам гъиляй-гъилиз фидачир.
Пул авайдаз базар я, пул авачирдаз азар я,
Пул гана бала къачуна.
Пул тухуз тур къумарбаз чин кIаникна ксуда.
Пул гвачиз базардиз фидалди, иман гвачиз суруз фин хъсан я.
Пулдихъ фекьи (фекьи анихъ амукьрай) шариатни къачуз жеда.
Патав агатна хар цик акатни.
Пул гана къачуйва за, вилер акъатайтIани тIуьна кIанда.
Парталриз килигна итим чир жедач.
Пуд ламраз мух пай тежедайбурни ава.
Первана лампадал кIватI жеда.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы