М

Мез ада кьил хуьдай, мез ава кьил хадай.
Мез кьилиз бала я.
Мез сурарик хьана, кьил к1урарик.
Мух пара хьайи ламра цав к1уру яда.
Мугьман са юкъуз жедай адет я.
Мугьман к1валин берекат я.
Мугьман вичин берекат галаз къведа.
Мугьмандиз ачух чин герек я.
Мугьман к1анида тевле екез эцигна к1анда.
Масада гайн акьулдикай хийир авач.
Масадан балк1андилай жуван лам хъсан я.
Масадаз эгъуьнай фуруз вич аватда.
Масадан балк1авдал акьахайди фад эвич1да.
Масад патал шехьайди вилер амачиз амукьда.
Масадаз минетдалди жув къуй вац1у тухурай.
Масад акьахай балк1ан гьекьеда жеда.
Мурк1адал кхьена ракъиник эциг.
Мурк1адин кьедеч1 чкадилай хада.
Муьхцяй экъеч1айда къаваллайди беябурд.
Мух цана, цуьк1 гвена.
Миргиз вичин крчар агьур жедач.
Мирес малдихъ, малкамут чахдихъ.
Мензил мукьвад, кири пара.
Мал къазанмишдайди к1анда, недайбур жагънда.
Масадан гъилед гъуьлягьар кьада.
Мух рукварик цуз, къуьл кьарарик.
Михьи вирик мурдар акатна.
Марфадикай хкатна, т1урфандик акатна.
Михьи туширди гьамамдини михьдач.
Муг сана, къакъра масана.
Мух цайида къуьл гуьдач.
Мекьи кьуьдни кьий, кьуьзуь гъулни.
Мерд итимди кьве къванцин арада вичин кьил акъудда.
Мердимазар ахтармишунал жагъидач, вич атана акъатда.
Маймундиз вичин чка чимиз жагъайла, балаярни кьилел к1ват1да.
Маншаллагь ви кьил ви къуьнерал мегъуьн к1анч1 хьиз алама.
Мез ат1айт1а, дувул рахада.
Мегьри хала яйлахдава, квар ац1ана булахдава.
Мехъерин фу ирид юкъуз къене амукьда.
Михьиди ц1аюни кудач, кьац1айди цини чуьхуадач.
Мич1и к1вални тахьуй, дар сурни.
Межлис свас гьидалди я.
Мирги вичин крчарал дамахда.
Меце сад, рик1е сад аваидавай яргьаз.
Марф къвайила къавуз кул гуда.
Муьхце сик1, рак1ара вик.
Муьнуьгъдин пел ягъ тавунмаз, чан хкатдач.
Муьгъ эцигайла т1вар амукьда.
Мал кьейила къузгъунриз фад, хабар жеда.
Марифат шегьерда, берекат хуьрежеда.
Меслятдал авур аш ширин жеда.
Метягь гъиляй тефидай чкадал авудмир.
Миск1индиз къуьрен к1вач аватна.
Мехъер жуван, хайрат жуван бубадинди хьаназ к1анда.
Мус-мус лугьуз акъвазмир, са сеферда лагь Мустафа.
Ма лагьай зат1 негь жеда.
Ма лагьана, негь авуна.
Макьамдиз килигай кьуьл ийида.
Маца сувар акур муръул.
Маркунилай цуьл жагъана.
Мал зиди, меслят види.
Мал несидиз ухшар я.
Малла Несрединаз вичин к1ашк1ун нер тарцел хьана к1анда.
Мез ч1гъан я, кьил уст1ар.
Меци тагъай бала кьили гьидач.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы