КI

КIвал жагъурдалди кьунши жагъура.
КIвале лагьайвал, базарда жедач.
КIвализ хапIа тежердакай, хуьруьз хешил хьанва.
КIвалин угъридикай кIвал хуьз жедач.
КIвалин угъридал кицI элуькьдач.
КIвал маса гайиди са йисуз дуланмиш, жеда.
КIвал маса къачурди са йисуз кесиб жеда.
КI валикай кIвал ийидайди паб я.
КIвалин ярашугъ аял я, суфрадин ярашугъ мугьман.
КIвалин чIехиди жедалди, кицIерин гъвечIиди хьун хъсан я.
КIвале фу тахьунни, бумажникда пул тахьун сад я.
КIвалин хабар гьвечIидавай, хуьруьн хабар делидавай.
КIвале къал ава, къарид гъиле гъал.
КIвале авай руг къецел акъуд тавуртIа мадни гзаф жеда.
КIвале кIек, къецел верч.
КIвал къенидан гурмагъдан чир жеда.
КI валин ярашугъ паб я.
КIвале къал пул авачирла жеда.
КIвалах тавур перци муьрхъ кьада.
КIвалахзавайдан зегьле тийнзвандакай фида.
КIвалахди инсан гумрагьда.
КIвалах масада авурла жуван чандиз регьят жеда, жува авурла рикIиз.
КIвалах жанавур туш хьи, тамуз катдайвал.
КIвалах инсандин дамах я.
КIвалах тийирди начагъ я.
КIвалах итимдин намус я.
КIвалахна къазанмишай пул ширин жеда.
КIанивал жедачтIа, дакIанвални тахьурай.
КIаниди — кIанидаз, Гьуьруь Саидаз.
КIараб квачир як жеч.
КIарабар сагърай, якIар хкведа.
КIвач кIваляй хада.
Kleвe гьатай чкадал ажузвал ийимир.
КIатIак киле кутада.
КIеве гьатайла вакIаз буба лагь.
КIеве гьатайла балкIандин цIапарикай вичиз далда кьада.
КIеви касдай кьвед агьатда.
КIвач чIуру векьел алукьна.
КIел авурдан вилер экуь, кIел тавурдан вилер буьркьуь.
КIелен сивиз темен гуда, тумунин гьезретдай.
КIеле-кIелен кIвач хадач.
КIане гьери авачир дамахар квез я.
КIула къачун регьят я, ахвудун четин.
КIекре гьарай авурла, чакъалдиз хвеши жеда.
КIеме кьуртIа тум тIарда, кIула къачудтIа руфун.
КIвачер чими хьайила мекьивиликай хабар жедач.
КIекрен чурудал чаквал тахьун квасавал яни?
КIелун инсандиз ядни фу хьиз герек я.
КIел хайила хпе гьарайдач, хеб кьейила кIелен гьараюнакъваздач.
КIвач цIуьдгьуьнайди къарагъда, мез цIуьдгьуьнайди ваъ.
КIела лагьайла буьркьуьди, вач лагьайла бишиди.
КIекре уь-уь ягъайла адаз чил пад жеда хьиз жеда.
КIеренбур гьараяр я, вечренбур какаяр.