Къ

Къакъраяр къазранбур хьана, какаяр нуькIренбур.
Къван гадарна гъил чуьнуьхда.
Къван акъатна, къумбат гьатна.
Къарагъай данади къаткай яцраз карч гуда.
Къапунавайди тIурунани жеда.
Къведайла Мацай, хъфидайлай вацIай
Къаргъадиз вичин бала ширин я.
Къелем патахъди ятIани кхьин дуьз ийида.
Къе хьайиди хьана, пакагьан югъ рикIелай алудмир.
Къилих инсандин бахт я.
Къариблухда авайдаз ватан ширин я.
Къанажагъ маса къачуз жедач.
Къенин кIвалах пакагьал вегьемир.
Къенин цицIиб пакагьан вечрелай хъсан я.
Къатканвай къванцин кIаник яд фидач.
Къатирдивай хабар кьада ви буба вуж я лагьана?
Буба чидач диде хвар я лагьана.
Къуьлуьн фуаз ракьун руфук герек я.
Къачагьвал ийимир, гьамбалвал ая,
Къуьл гарун сивиз вегьида, нагъвар хкатрай лугьуз.
Къизил гъвечIи ятIани къимет чIехи я.
Къипрез вичин вирелай багьа чка авач.
Къав алачир кIвализ къванер гзаф вегьида.
Къенин йикъахъ пакагьан югъни гала.
Къаб хайилай кьулухъ аял гатамир.
Къе акурвал пака амукьдач.
Къенинди къе, пакагьанди пака.
Къуьл гьаятда экIягъайла верчеринди жеда, къавал экIягъайла нуькIверинди.
Къуьлуькай тIач, мухакай сав.
Къуьл бул хьайила халкь шад жеда, гьажибугъда бул хьайила малар.
Къуьл ругунрал гатада, гьажибугъда лашунал.
Къамншдин кьве кьилни сад жедач.
Кьуьрен иви хъвайи тула, къуьрен гуьгъуьнай экъечIдач.
Къуьр вилер ахъайна ксуда.
Къуншидихъ хьайила жувахнъи жеда.
Къванцинди кIаш, устIардинди кIута.
Къажгъан къулал эцигуналди ргадач кIаник цIай хьана кIанда.
Къари буьркьуь хьайила кациз мехъер жеда, кац буьркьу хьайила кьифериз сувар жеда.
Къаз ягъа къазан ацIурай.
Къуьр, багъдава гъуьрчехъан дагъда.
Къуюдай яд акъудайла эгьуьнайди рикIел, хкваш.
Къиб яд авачир чкада яшамиш жедач.
Къудух чIехи хьайила, адакай лам жеда.
Къумарбаздихъ эхир жедач.
Къекъведай кIваче цаз акъада.
Къув ягвай кицI гуьлледал, гьарагъай верч къирмедал ягъ.
Къуншидин вил къуншидал жеда.
Къуншидал къвермир ви кьилелни къведа.
Къуьлуьн фал ктур сив, мухан фал хкудна.
Къунши къуншидал пехил жеда.
Къунши къуншидин панагь жеда.
Къуншндин кицIи къунши кьадач.
Къуншидив дуствилел гечI, анжах сергьят чIурмир.
Къуншидин верч къаз хьиз аквада.
Къуру суфрада бисмиллагъ каез герек я.
Къуьрен тумни ацухьайла чилик хкIада.
Къуьрен рикI авай аждгьа.
Къунши къени хьайила, кьецIи руш гъуьлуьз фида.
Къипрез чIалар гзаф чида рахантIа сивдз яд фида.
Къуьр ягъ тавунмаз къажгъан къулал эцигмир.
Къуьрез кат лугьуда, кицIиз яхъ.
Къиметлу гаф къизилдилай багьа я.
Къуьлуьн фу авачир чкада цуькIуьн фу пелез кьилиз яда.
Къе зав хан рахана, рекьелай квахь лагьана.
Къаю кьуна кал ацаз хьянач.
Къаридиз гъалар, ахмакьдиз къалар.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы