К

Кацик лувар хьанайтIа ада нуькIверин тум хкуддай.
Каци кациз мявда.
Кациз калар нез кIан жеда.
Кац гьинихъай гадарайтIани ам кьуд кIвачел акъвазда.
Кац авачирла кьифер гъуьрчез экъечIда.
Кац авачир чкада кьиферикайни аслан жеда.
Кац вичин къулав рекьида, кицI чарадан ракIарихъ.
Кацер кьуьлерик, кьифер метIерик.
Кацин къудгун муьхцелди я.
Каци вичин чин тапацдал чуьхуьда.
Кацихъ ирид чан ава.
Кацин кеспи кьифер кьуня.
Кацихъ галаз юлдаш хьухь, лаш гъиляй ахъаймир.
КицIи кицIвилелай гъил къачудан.
КнцI элуькьда, карван фида.
КицIиз япар атIайдахъай кичIе жеда.
КицIи вич ацукьдай чка михьда.
КицIи кицIин як недач.
КицIин рикIелай иеси алатдач, кацин рикIелай кIвал.
КицIи элуькьиз-элуькьиз жанавур гъида.
КицIи чатукай вуч тухуда.
КицIихъ кьванни гъирят хьанайтIа къайгъу авачир.
КицI рекьирла хуьряй экъечIда, кац рекьирла кIваляй.
КицI вацIу тухудач.
КицIиз вичин иеси къад йисалайни чир хъижеда.
КицIиз вичел чинеба ккIал вегьидайдахъай кичIеда.
КицI кIвалин къаравул я.
КицIиз гзаф тIуьн гайила ам масаниз фидач.
КицIин рикIелай вичин душман фидач.
КичIерди кицIи фад кьада.
КицIиз тIуьн гайила чубан архайин жеда.
КицIи далу чилиз ягъадач.
КичIедакай дуст кьамир.
КичIе виле кьал акьада.
КичIе хьайидаз сад кьвед хьиз аквада.
Кал кIвалин булах я.
Кал къачун тавунмаз данадиз кIуьшт гьазурнава.
Кал кьена раж хкатна.
Калел пар эцигда, кьерех рикIелай фирай лугьуз.
Кали хьиз нек тагудайда, яцра хьиз цан цана кIанда.
Кали яд хъвада нек жеда, иланди яд хъвада зегьер жеда.
Кал къвалахъай ацада, цIегь кьулухъай.
Кали жунгав рекьяй акъудда.
Качал хьуниз килигмир, бахтуниз килиг.
Качалаз дарман чидайтIа, сифте вичин кьилиз ийидай.
Качалаз кьилихъай кичIеда, буьркьуьдаз вилихъай.
Качал кIвале ксудач, тIуна ксуда.
Кесибдиз пул жагъайла твадай чка жагъидач.
Кесиб гьамамднз фейила чими ци мурк кьуна.
Кесиб къавуг агакьдалди гурарин кIарар хана.
Кесибдин сурни кесиб жеда.
Кесиб хьана итим декьирай, яхун хьана мал.
Кесиб рекьндайла фекьи азарлу жеда.
Кесибдин хула кьеж гьатдалди анай яд авахьда.
Кесибдин бахт къарагъайла вич ахварал фида.
Кесибвал айиб туш, угъривал айиб я.
Кесибдал нубат атайла регъуьн хулу гатуз мурк кьуна.
Кесибди вилив хуьда мус жуьмядин югъ къведатIа лугьуз.
Кесибдин рикI дагъ я, девлетлудин рикI дар.
Кесиб кесибдин панагь я.
Кесибдин рикIикай кесибди хабар кьада.
Квак ичин къене жеда.
Кваса чуру къачуз фена, спелар галачиз хтана.
Кем хъийндай ракьни ракьарикай гьисабда.
Кепекдин къадир авачирдаз манатдин къадарни жедач.
Кар-кеспи авачирдаз чIаларни гзаф чир жедач.
Кул эцягъ тавур фу хъсан чрадач.
Кард гвай гачал хьиз.
Кар саданди хьайила, къапар масадан кьилел хамир.
Кар кардай фейила, кац дакIардай.
Кар авурди крарин, кар тавурди кIарарин.
Картуф сад падна кутурла пуд-кьуд кило хкудда.
Какаяр кутур верч хьиз хьана.
Квар амаз гичинар гзаф хада.
Кар кардай фейила шурва кицIиз хце.
КукупIдихъ вичин муг жедач.
Кепекдин къадир авачирдаз кIвалин къадирни жедач.
Кац кур хьайила бендедивай затIни жедач.
Кар кардай фейила геж жеда.
Кар устIардин вилик ужуз жеда.
Керкиди гьамиша вичин патахъ ялда.
Ким гадайринди хьана, хьар рушаринди.
Кикернвай ахъай тежедай тIвал сарарал гьалтна.
КицIиз кIус вегьичалди ада такьуна акъваздач.
Кимел акъудай лидикай шаламар жедач.
Кисайдавай аллагьди хуьрай.
Кабабдин ниэдал фейила ламраз тагь гудай чкадал гьалтна.
Кал хъсан я, калалайни жуван кIвале.
Кард мукунилай элячIдач.
Карван хьайила, лам кIвенкIве гьатда.
Карвандин кьил къаргъа хьайила, ада карван харапIайриз тухуда.
Катраз йнкъа са нуькI кими жедач.
Каркундилай аватна, къаб хана.
Кар карди къалурда.
Кардай кар акъудмир.
Кар-кардай фейила гелкъуьмир.
Кар туькIвейла базарда акъвазмир.
Карди кар гъида.
Ксай къуьр ягъун гунагь я.
Какурди сура дуьз кеда.
Ксай инсан кьейидиI хьиз жеда.
Кар авачирди дарих жеда пара тIуьрди къаллух.
Кек гелягьдай балкIанни тамир, я гзаф рахадай пабни.
Куьз я никIер къуьл авачир къилера.
Куьчеда кьарни ава, кьадай кицIерни.
Куьгьне нагъвар хъивегьуналди къуьл хкатдач.
Ксай месик иситIа кIан жемир.
Ксанвай къуьр ни хьайитIани яда.
Кухтур кьелекай затI жедач, кьел итимдин вичин чандик хьана кIанда.
КутIунавай асландал къуьрии тепилмиш жеда.
Кузмай чкадай гум акъатда.
Куьгьне душмандикай дуст жедач.
Куьгьне тас, куьгьне гьамам.
Кака хайи вечре къакъараяр яда.
Какадай акъечIда къакъраяр яда.
Кака чуьнуьхун верч чуьнуьхай гьисаб я.
Кавча гъиле гьатайла чIем кувай чкадлай неда.
КутIурдин къадир хапIа алахьайла чир жеда.
Кесиб хьайила гьахъ катда.
Кхьейди квадариз жедач.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы