И

Итим кIвалахдал чир жеда.
Итим итимдал гьалт тавуна амукьдач.
Итим садра рекьида, кичIеди вишра.
Итим масадан кьулухъай рахадач.
Итим акуналди чир жедач.
Итим гапурдилай гафуни гзаф атIуда.
Итим авачир кIвал хайи чанах хьиз аквада.
Итим я пис къелемдик акат тавурай, я хъсан къелемдик.
Итимдиз ширин мез ланях я.
Итимдиз гаф лугьун бес я.
Итим я, итимар авачир чкада.
Итимдин чиниз килигмир, гафуниз килиг.
Итимдин къадир итимдиз чир жеда, цуькведин къадир билбилдиз.
Итимдин далудихъ итим хьана кIанда.
Итимдин гаф сад жеда.
Итимдихъ галаз рекьиз тефенмаз ам чир жедач.
Итим яргъал килигна кIанда.
Итимдиз яргъаллайди чир хьана кIанда.
Инсандин гьуьрмет вичин гъиле ава.
Инсан санал са пут кьел туьтIуьнамаз чир жедач.
Инсан чиниз килигда, гьайван гъилиз.
Инсан кесиб хьана, гьайван зайиф хьана кьин тавурай.
Инсандин чIуру тIвар акъатдалди, вил акъатун хъсан я.
Инсандин ахмакьдикай гада жеда, кицIин ахмакьдикай тула.
Инсайдик кьве яб ква, кIвалик кьуд.
Инсандин нефс гьуьл я, ам тух жедайди туш.
Инсаф авачирдахъ иманни жедач.
Ич таран кIаник аватда.
Ичин са пад яру, са пад хъипи хьуналди адан дад чIуру жедач.
Ирид кIвал муьжуьд кавха.
Ирид сеферда алцумна, са сеферда атIутI.
Ирид яц авайди, яц ядай тIвалуниз мягьте жеда.
Ирид йисуз тIветI ягъайдини са йисуз ягъайди сад хьана.
Ирид гуьзелдихъ гьардахъ са айиб жеда.
Иви дамуниз килигна къачуда.
И вил а вилихъ мягьтеж тахьурай.
Игит итим халудиз ухшар авайди жеда.
Игит игитвилелди рекьида.
Игитдин суфра ачух жеда.
Игит кьейила тIвар амукьда, устIар кьейила кар.
Игьтияж кьегьялдин ярашугъ я.
Игьтиятди душмандихъ мягьтеж ийида.
Иеси авачир уьлкве жедач.
Иеси галай кицIи хъсандаказ кьада.
Иеси авачир сиви вуч хьайитIани лугьуда.
Иесидиз кIан хьайила миресдиз вуч ава.
Им лап яд атIай регъв хьиз аквада.
ИчIи регъве кьил хада.
ИчIи гъилиз кицIни килигдач.
ИчIи кIвале кьуру ван твамир.
И гаф заз лагьана масадаз лугьумир.
Иландизни хандиз далу ямир.
Иланди вичин тум атIайди рикIелай ракъурдач.
Иланди ягъайдаз кашудихъай кичIе жеда.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы