З

За гаф садра лугьудайди я.
Закатар къад, фекьияр пудкъад.
Залай алатрай, вацIал цIал гьалтрай.
За ам мурдар хьайи гъецI хьиз чархалай гадарда.
За вун цаварал ахтармищзавай, хъсан хьана чилерал гьалтна.
За лагьанай свас кьуран, лагьиачир хьи, бала хьурай.
Заз вун гзаф кIанда, заз зун мадни гзаф.
Зардин къадир заргардиз чида, ви къадир заз.
Звердайди ярх хьуниз килигдач.
Зегьмет чIугун тавурда аш недач.
Зегьмет чIугурда лезетни хкудда.
Зегьмет чIугурдаз цуру нек, тIамбул ягъайдаз фири нек.
Закай хъел къвемир, жуван пай тIуьрдн ахку.
Зи кIвачин кIаниз чидайди ви кьилиз чидач.
Зиринг сикI фад ракьара гьатда.
Зулумдалди абад хьайи кIвал агьдалди барбатI жеда.
Зун ямах (пине) туш хьн, кIан хьайила элягьдай, кIан тахьайла ахлуддай.
Заз зун гатадайдини акуна вун къакъудайдини, мад беса.
Зи самуниз цIай ягъайдан за маркуниз цIай яда.
Зи базарат багълу хьана.
Зи чарх элкъвенва.
Зуьрне ядайдахъ зилчини хьана кIанда.
Зи рикI пелидиз хьуй, пелид рикI заз.
Зегьмет чIугварла, цегверини чIижеря хьиз чIугуна кIанда.
Зулумдин эхир яргьал фидач.
Зулухъай кичIе хьухъ— вилик пад кьуьд я, хъуьтIуьхъай кичIе жемир, адахъ гатфар гала.
Зирек инсандин хурук дагъларивайни давам гуз жедач.
Зегьмет — зегьмет, мадни зегьмет — иигье еке девлет.
Зегьмет галачир кар жедач.
Зегьметди инсандиз гьуьрмет ийида.
Зегьмет кIанидаз берекатни жеда, мярекатни.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы