Ж

Жанавурди тухвайди эгьсандай гьисабзава.
Жанавурдал хеб тапшурмишна.
Жанавурдин шарагдикайни жанавур жеда.
Жанавурдин гардан тIуьрди эливарайвиляй яцIу хьанвайди я.
Жанавурдини хпе са виряй яд хъвадач.
Жанавурдик япар квачиртIа ам цIамарин кьулухъ чуьнуьх жедай.
Жанавурдиз вичин къуват чидач.
Жанавурдиз ни къведач, къведайтIа ада хпер тадачир.
Жанавур кьуьзуь хьайила кицIиз элкъведа.
Жанавурди шарагар хадайла рагъ аваз марф къвада.
Жанавур цIаюв эгечIдач.
Жанавур фуруз аватайла, хпекай вичиз стха кьада.
Жанавурдинди мичIи марф къвадай йифер я.
Жанавурдин сиве гьатай кIарабрини ван хъийидач.
Жафа чIугурди зун хьана, кар авурди вакIан хва.
Жафа чIугун тавунмаз, сафани аквадач.
Жагъайди акьуллу я, квадарайди ахмакь.
Жуван сарфа масадав вугумир.
Жуваз писвал авурдат жува хъсанвал ая.
Жуваз къаст авун инсанвал туш.
Жуван къапунавайди аквадач, масадан тIурунавайди аквада.
Жуван мез жуваз бала я.
Жуван перем жуваз мукьва я.
Жуван тадарак гъиляй ахъаймир.
Жуван кIвачин кIан эгъведайбур жуван кIваляй акъатда.
Жуван вацI жува чIехи авуна кIанда.
Жуван кьел жуван хамуниз язава.
Жуван гъилив эциг тавур шейиниг кямир.
Жуван биссмиллагь пуч нйимир.
Жуван ихтибар ахъаймир.
Жуван тадиф ийидайди ахмакь я.
Жуван тай ахтармиша.
Жуван тариф паталлайда авурай.
Жуван ва дустунин душмандикай сад хьиз игьтият ая.
Жувалай чIехи къванцелни меслят гьваш.
Жувахъ шехьдайди жуван кьве вил я.
Жувахъ ялдайди жуван кьве гъил я.
Жегьением аватIа, женнетни ава.
Жегьеннемдин цIаялай, элдин тегьне къати я.
Жув буба тахьанмаз, бубадин къадир чир жедач.
Жув кIасдай гъуьлягъ жуван якIай экъечIда.
Жув тийижирдаз жуван бубани чир жедач.
Жув патал чарадан вилериз руг кIвахьмир.
Жува чIехи авур бармак жуван вилера гьатда.
Жува эгъуьнай фуруз жув аватда.
Жуваз дакIан кIвалах масадазни ийимир.
Жуван кендирагъ, жуван нерал хьана кIанда.
Жуван къедир авачирдаз масадан къедирни жедач.
Жемятдиз кIан хьайила, Шалбуз дагъ къачуна Кетин кукIвал эцигда.
Жемятдин къажгъан муркIадални ргада.
Жунгавднкай яц хьун патал ам цан цадалдя эрчIи пата кутIуна кIанда.
Жендекдал алай кицIи — кицI агуддач.
Жунгав векIиник вердишда, тай кьуьгъвер никIе.
Жегьилриз шадвилер, кьуьзуьбуруз чайни шекер.
Жув гатайдаз жува кIас це.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы