В

Вад ч1улав йикъахъ, са лацу югъ гала.
Ваз к1ант1а виртни фу, къачу гъиле перни, кьусу.
Ваз чидай вирера яд амач.
Ваз сад чида — вад чидач.
Баз ягъ лагьана, йикь лагьанач хьи.
Ваз акур валара къуьрер амач.
Ваз къаткай месик исит1а к1анзава.
Ваз далдамрал угърияр кьаз к1ан жемир.
Ваз чидани киц1 вучиз фад кьуьзуь жедат1а?
Варз алай йиф йикъаз бала я, т1арам паб жуваз.
Ваз зун хулукай хкудна вац1ук кутаз к1анзавани?
Ваз к1анибур над ават1а, вун дак1анбур къад ава.
Ваз сад лагьайт1а, жува къад хълагь.
Варз кьаз к1ан хьайи сев тарай аватна.
Вай къеие, вай къуьне.
Вак акваз гелехъ къекъуьмир.
Вакай хийир хк1урт1а, аллагьдикай зарар хк1ада.
Вак1аз вич тамай акъудун ваъ, кьулухъай уьфт агалдарун дерт я.
Вак1ан са кьил ц1ару са кьил ч1улав жедач.
Вак1ай ч1ар акъудай мисал хьурай.
Ван авачир тамара ван твамир.
Ватанднн сергьятда акъвазнавайдаз кьиникьикай кич1е жеч.
Ватандал хтана, имандал хтана.
Вах стхадиз бигер я, стха вахаз жигер я.
Вахтундамаз свас гъайиди, пакам кьиляй фу тIуьрди пашман жедач.
Вацран мичIера гъетери экв артух ийида.
Вацран цIувад югъ эквер, цIувад югъни мичIер я.
Варз акурла вацраз баркалла ийиз, рагъ акурла ракъиниз.
ВацIал тухуда — яд тагана хкида. ВацIари гьуьлерихъди ялда.
ВацIув агакь тавунмаз шал вар хутIунзава.
Вач сикI лагьайла, сикIре вичин тум буюрмишда.
Верч жуванди я, кака къуншидин.
Вечре рухуз тамала тухуз.
Верч туш хьи кишт ийин, кац туш хьи, пишт ийин йифиз чуьнуьхардайдаз за вуч ийин.
Верчери къакъаяр гзаф яда, какаяр тIимил хада.
ВацI гикьван яргън хьайитIани а кьил гьуьл я.
ВацIуз къван вегьена, къванцик кьил кутун.
ВацIухъ галаз гуьжетар ийимир.
ВацIу чил атIуда, гафуни итим.
ВацIун балугъ ширин жеда.
Ви рикI хьиз зи тухулар тахьурай.
Ви кьилел къуш ацукьнавач хьи.
Ви гьисабдай деве аял я.
Вик къуьнеллаз къекъвезвайди.
Вили атIузвай кьван чка мензил, рикIи атIузвай кьван чка хиял я.
Вилик экъечIайдан кьил гатада, кьулухъ галамукьайдан дабан.
Вилик фейила къван, кьулухъ хьайила чумахъ.
Вирибурал кицIер элуькьда, чал чакъалар.
Вилиз аквада рикI дакIвада.
Вилиз акваз гъилиз текъвез.
Вичи тIуб-тIуб атIудайда, вичикай цIиб-цIиб атIуда.
Вичиз муьгъ тийидайда, халкьдиз мискIин ийидайди туш.
Витин къатухдикай тугь ийидайди вич я.
ВикIегьдаз бахтуни куьмекда.
Вил гана ишигъ ганач.
Вилни атIутI вилин рцIамарни.
Вири крар цIийибур ятIани, дустунин куьгьнеди хъсан я.
Вири чпин къайгъудик, регъуьхбан цин.
Вири цана хьайила, Мелик кIвале ава.
Вири дели хьайила пIирел фида, пIир дели хьайила гьиниз фида?
Вири акатайла гьажиднн канаб хкатналда.
Виридалайни гужлу пагьливан эрекь хьана.
Вуч фейитIани багъдай фида, 'багъманчидай фидач.
Вач хва текьей ви, жуван бубад пеше яхъ.
Вичивай-вичиз хешил тежерда масадаз хинкIерар ийизва.
Вуч мур-мур алатнава гуьлле галукьай сев хьиз.
Вичин вилевай тар такуна, масадан вилевай чIар аквазва.
Вичихъ цегвре хьиз ялда, чараданди вечре хьиз чалда.
Викиник квай яцрахъ тIвал галукьда.
Вичин кьел вичин хамуниз язава.
Вичин гъил вичин сив.
Вичин тIеквенда кьифни аслан я.
Вичин тариф ийидай устIар кар чидайди туш.
Виш манатдилай са дуст хъсан я.
Виш сеферда хъсанвал ая, тек са сеферда писвал.
Виш балкIан авайди са тIвалунихъ муьгьтеж жеда.
Вич кIелиз фидайла, зун кIелна хквезвай.
Вич гъвечIи я жибинар еке.
Вуч куьткуьнайтIа куруниз, гьам къведа ви тIуруниз.
Вичи авурбур вичиз хъийизва.
Вирт гъидай чIиж яргъа амаз чир жеда.
Вирт-вирт лугьуналди сив ширин жедач.
Вирт нез кIанзаватIа уьцIуь афни неъ.
ВакIан сарарин хцивал къамиш атIайла, чир жеда.
Вак ягъайла тараз акьах.
Вахъ гьа хам авани иливардай.
Вахъ инанмиш хьайи дагълар вазни жив кьвада кьван.
Вири меле хьайила Мелик регъве хьана.
Виридаз сад хьиз кьасабчидивайни як пайиз хьанач.
Вирт аваз хьурай тIветIвер багъдатдайни къведа.
Виликамаз яд хъвада, ахпа кIан тахьурай лугьуз.
Ваъ, дуст кас заз акI аквазва хьи, ви дергес къванце акьунва.
Валлагь за вун шалман хьиз ярхда.
Вай гугурт, вай барут кьведни сад я.
Вилик фейитIа пая, кьулухъ фейштIа къая.
Ви гьарай эвердилай далдамрин, тIарпIа-тIупIхъсан я.
Вун балкIан къачун тавунмаз лиэнар къачудайбурукай я.
Вун рахунни сад я заз, къавалай тIветI финни.
Вун гьи ветIре кIаснатIа, заз хабар я.
Вун зи гьи фан къафун я.
Вун гужуиалди пIагь гуз сарарал кIас гудайди я.
Вун кьиф кьейинал йифдайбурукай я.
Вун ваз талукь тушир кардик какахьмир.
Вун тIурунал нез тумунал вил акъуддайбурукай я.
Вун къатирдин паюникай хьурай.
Вун гьи мукунай аватай чIимчIир ятIа заз чизва.
Вун тахьурай ви халуд руш хьурай.
Вун хьана, ваз вун хьтинбур мад тахьурай.
Вун рахар хва ятIа, атIадахъ галаз рахух, ада ваз тIасни чирда, минтIасни.
Вуна, а къван нин салаз вегьизватIа заз чизва.
Вун тIуб къалуз гъил чIугвадайбурукай я.
Вун фу недайла кацин вилер кутIундайбурукай я.
Вуна гьавая жуван хамуник ял кутамир.
Вуна кIелайбур за хразва.
Вуна сикIрен амалар ийимир, ви хам кепекдайни фидач.
Вуна гвен гуьг, за гьисабда.
Вун гьакIан цIегьрен жендек я.
Вун сикI ятIа, зун сикIрен тум я.
Вун шад ятIа зун пашман туш.
Вун хьайиди хьана, валай сивин тахьурай.
Вун ви кьилелай виниз рахамир.
Вуна ви кьил гачал ийимир, гьар гьи гачалдихъ хьайитIани бахт жедач.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.

Похожие материалы