Саират Агьмедпашаева

Саират Агьмедпашаева

Агьмедпашаева Саират 1958-йисуз С. Сулейманан райондин Кьулан СтIал хуьре дидедиз хьана. Ада хуьруьн мектеб куьтягьна ва "Куьредин ярар" газетдин редакцияда кIвалахна.
Шаир дидедивай пай къачунвай руша школада амач художественный эсерар теснифиз башламишна. Ада тIебиатдикай, муыгьуьббатдикай ва яшайишдикай кхьенвай шиирар лезги газетризни журналриз ("Литературадин Дагъустан", "Дагъустандин дишегьли" ва мсб. ) акъатзава.
Заридин рикI алай жанр рубаияр, дерин фикир квай кьуд цIарцIин шиирар, я. Саиратан рубаияр "Куьредин ярар" кIватIалда гьатнава.

Акимов Къ. Х. «Лезги зарияр»

Агьмедпашаева Саиратан шиирар

Рубрика

Комментарии

Гьуьлуьн чиркер михьда кьакьан лепеди,
Руквар, кьалар цIурурда къваз живеди…
Намусдал ви мукъаятвал тахьайтIа,
КьацIурда вун кткай стIал лекеди!
***
Пис гаф лугьуз, на кьулухъди элкъуьриз,
Япун перде жедач цIийиз туькIуьриз…
Уьмуьр кIватI я краринни чIаларин –
Ягъалмиш хьухь, рикIерик экв куькIуьриз.
***
Са таб квачиз рахай инсан къалур заз,
Невсинин кIвал ацIай инсан къалур заз.
Эхиратда чахъ суд авач лугьурбур,
А хабар гваз хтай инсан къалур заз.
***
Кас авай туш ви вилик пад кьаз жедай,
Эй уьмуьр, вун са хупI яд я, хъваз жедай.
Тади ийин, дуьньядин нур хчIализ,
Къведалди вахт, ам къах хьана къваз жедай!
***
Дуьнья, види залум кьисас кьун я жал!?
Бязи рикIер ви есирда тун я жал!?
Я тахьайтIа, сад Керем, сад Эсли хьиз,
ЦIал вегьена, кьведни санал кун я жал!?
***
Хъел къвемир ваз дуьньядикай,
инсан, ам ваз буржлу туш.
Я валай ам са чIавузни
гьич са кIусни аслу туш.
Дегиш жезвач дуьньядин гьал,
вун атана, хъфинал,
Ви дердияр туькIуьра на,
ам ви стха, халу туш.
*

САИРАТАН "РУБАИЯР" КТАБДАЙ ЭСЕРАР:

***
Им дуьнья я, вичик умуд кутаз тежедай,
ЧкIайтIани, мад кIалубда хутаз тежедай.
Ша, къецин югъ безетмишин гьунаррив жуван,
Уьмуьр - ганвай легьзе я чаз, мад кьаз тежедай...
***
Эй, фугъара, дерт кIевириз алахъзава вун,
Циф хьиз, чкIиз, рикIелай ви алахьзава гум.
"Уьмуьрдин рагъ", вун, муркIадин къаябдиз элкъвей,
Гатфарни гад хъфейла, куьз авагъзава вун?
***
ГалачтIани жуван кьулухъ са чIехи арха,
Рехъ гудай туш за далудлай, зун я зи кавха.
Дагъви я зун, дамарра зи къекъвезва вацIар,
Ватан патал герек чIавуз чанни гуда за.
***
Хъсан тир, чаз дуьньядикай регъуь жедайтIа,
Намуссузбур хъуьтIе гьатна, рехи жедайтIа...
Дуьнья хуьзвай паклубурун уьмуьрдин рекьер,
Гатун къар хьиз, куьтягь тежез, яргъи жедайт!а.
***
Чаз ганвайди чилел куьруь яшар я, инсан.
Амукьдайди чакай пака махар я, инсан.
Бадгьавая пуч тийин, ша, къизилдин кьит вахт,
АтIа дуьнья чIулав, къайи дагьар я, инсан.[/quote]
***
Вуч гуьзел я! Гьамиша вун жегьил я, дуьнья
К1анзавайди тамашдай ваз кьве вил я, дуьнья.
сад билбил я ви бахчада, садни, есир хьиз,
Буькьуь яз рик1 ви къузадик, сефил я, дуьнья.
***
Чир хьухь, инсан, уьмуьр ганвач Эбеди яз чаз,
Вахт атала, хутахда чун чили, кьаз, ч1угваз.
Яшайишдин гуьзелвилик кутур жуван пай,
Регьимлу т1вар и дуьньядал к1анят1а ваз таз.
***
Хъуьтуьл меци цаварални акъудда инсан,
Хц1и ч1авуз к1вачерикни авудда инан.
Белки, ц1ухъни авач жеди мецин къуватар,
\Суьгьурда тваз, агудизни къакъудда инсан.

САИРАТАН "РУБАИЯР" КТАБДАЙ ЭСЕРАР:

***
Им дуьнья я, вичик умуд кутаз тежедай,
ЧкIайтIани, мад кIалубда хутаз тежедай.
Ша, къецин югъ безетмишин гьунаррив жуван,
Уьмуьр - ганвай легьзе я чаз, мад кьаз тежедай...
***
Эй, фугъара. дерт кIевириз алахъзава вун,
Циф хьиз, чкIиз, рикIелай ви алахьзава гум.
"Уьмуьрдин рагъ", вун, муркIадин къаябдиз элкъвей,
Гатфарни гад хъфейла, куьз авагъзава вун?
***
ГалачтIани жуван кьулухъ са чIехи арха,
Рехъ гудай туш за далудлай, зун я зи кавха.
Дагъви я зун, дамарра зи къекъвезва вац1ар,
Ватан патал герек чIавуз чанни гуда за.
***
Хъсан тир, чаз дуьньядикай регъуь жедайтIа,
Намуссузбур хъуьтIе гьатна, рехи жедайтIа...
Дуьнья хуьзвай паклубурун уьмуьрдин рекьер,
Гатун къар хьиз, куьтягь тежез, яргъи жедайтIа.
***
Чаз ганвайди чилел куьруь яшар я, инсан.
Амукьдайди чакай пака махар я, инсан.
Бадгьавая пуч тийин, ша, къизилдин кьит вахт,
АтIа дуьнья чIулав, къайи дагьар я, инсан.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.