Саимат Нурметова

Саимат Нурметова

Саимат Гьамидан руш Нурметова 1938-йисуз Кцiар райондин Аваран хуьре дидедиз хьана. Адан бубадин кiвал лезги руьгь квай инсанрин макан тир. Гьамидахъ иер ван авай, ада халкьдин манийрал илигайла вири гьейран жедай. Касдин и алакьун ругуд веледдизни ганвай. Абурукай кьведакай: Саиматакайни Заиракай жегьилзамаз шаирар хьана. Саимат хуьре юкьван мектеб куьтягьна, Къайинбег Шихкъайибоваз гъуьлуьз фена. Абурухъ са хвани 5 руш хьана. 
Гьалал зегьметдив, бахтавардиз кьил хуьзвай хизанди. Къени къилихрин, кiвалин-къан дишегьли тир Саиматан кiвале рябет, гьуьрмет авай. Ингье са намерддин гуьлледиз туьш хьана гунагьсуз дишегьли. Адан кьилел атай мусибатдикай вири элдиз дерт хьана. Къедалди инсанар кузни-хукiуз адакай рахада. Къедалди Саиматан шиирар мецера ава.
Яргъал йисара элдин мярекатриз ярашух гайи, вичин шиирар хуралай кiелуналди сейли хьайи Саимат халисан шаир тир. Адан хура илгьамдин булах ргазвай. Гьар дуьшуьшдиз, гьар кьисадиз кутугай чiал теснифдай ада. Иллаки гьахъсузвилер эхиз жедачир дишегьлидивай. Вичин гаф хцiидаказ лугьудай. Халкьдин манийрални баядрал рикi алай адан. Мехъерар, мелер, суварар ам галачиз кьиле фидачир. Тазиятдин межлисринни абур тир ам, лугьунрал атайла Саиматав кьадайди авачир.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.