Гекъигиз пешери, къап-къацу навар,
Цавуз хъипи-яру ягъазава яр.
Яргъи жезва йифер, куьруь жез йикъар,
Бегьер къужахдаваз, зул алукьзава.
ВацIун ятар лугьун - буьлуьлдин шуьше,
Хъуьрез емиш тарал, хкудиз миже.
Ахпани жезава чилни-цав кьежей,
Бегьер къужахдаваз, зул алукьзава.
Гьатзава тӏебиат, маса къайдада,
Цифери чилер таз, ракъин савдада.
Кутуна рекьерни вири хурхада,
Бегьер къужахдаваз, зул алукьзава.
Рубрика
Добавить комментарий