Фиригъар

Шегьре рекьин чапла пата,
ЭкӀяй хьанва хуьр Фиригъар.
НикӀер,чуьллер, багълар ава,
Берекатлу хуьр , Фиригъар.
Вахъ гьамиша гьуьрмет ава ,
Вахъ гьамиша къимет ава.
Вахъ гьамиша девлет ава,
Берекатлу хуьр, Фиригъар
Дин-имандал кӀеви хуьр я,
Зи хайи ватан ,Фиригъар.
Дуствал, асрет авай хуьр я,
Зи хайи ватан, Фиригъар.
Лезгистандин дамах я куьн,
Хив райондин даях я куьн.
Дагъустандин дамах я куьн,
Зи хайи ватан , Фиригъар.
Лайихлу вахъ хваяр ава,
Таватар хьтин рушар ава.
Истеклу вахъ чанар ава,
Зи хайи хуьр , Фиригъар.
Мурада квез кхьенва шиир,
РикӀе аваз михьи фикир.
Кьабул ая куьне зи чӀал ,
Гьуьрметлу зи хуьруьнвияр.

19.11.2025 йис