Лезги халкьдин ч1ехи шаир
Вун чи гъиляй акъатна хьи.
Шад йикъара эл, залан тир,
Ч1улав ясдик акатна хьи!
Гафар дуьз гъиз жезвач завай,
Пад акъатна рик1ин къавай,
Чи уьлкведин вили цавай,
Ачух са гъед аватна хьи!
Им вуч я къе, эй чуьл, эй дагъ,
Куьз тунач а ч1ехи кас сагъ,
Лезги чилин нур гузвай рагъ
Садлагьана алатна хьи!
Адан кьве гъил хьанвай къабар,
Хкажиз к1анз элдин лабар.
Гьайиф шаир! Къайи хабар
Чи рик1ерив агатна хьи
1937 йис
Рубрика
Добавить комментарий