Афоризмар (Гьарун Агацарский)

Гьамиша са жувакай фикирдайдахъ халис юлдаш жедач.

Жуваз берекат бул хьайила, четин вахтунда рикlел къвезвай кас рикlел хкана кlанда.

Эркекда эркеквал гадриз башламишайла, дишегьлиди дишегьливал гадриз башламишда.

Зегьметди инсандиз фу гуда, кагьулвили инсан вич неда.

Ахмакьдихъ галаз ахмакь хьана кlанзавач, амма ягьсуздахъ (с наглым) галаз ягьсуз гьана кlанзава. Туьнтдахъ галаз туьнт хьун мажбур туш, амма хъсандахъ галаз хъсан хьун мажбур я.

Яшлу вахтунда ахмакь хьунни алчахвал я, жегьил вахтунда - руьгьдиз ажуз хьунни.

Гьар хъсан кьуршахар кьадай кас сифте пис кьуршахар кьадай кас тир.

Хъсанвилиз садани акьван къимет гудач, хъсан инсанди хьиз.

Чlуру тербия гун, тербия тагунилай зиян я.

Уьтквем хьана арабир кlаник акатун хъсан я, ажуз гьана гьамиша кlаник жердалай.

Гъвечlи къалмакъалдикай катзавайда чlехи къалмакъал битмишзава.

Са гъалибвили - лувар кутада, гзаф гъалибвилери - кстахарда. Са кумукьуни - тарс гуда, гзаф кумукьунри - телеф ийида.

Халкьдихъ жанавурар тахьайла - къуьрер артмиш жеда.

Жуваз гьуьрмет тийизвайдаз масабуруни гьуьрметдач.

Рушаз рушан тербия це, гададиз - итимдин!

Суьруьдин кьил цlегь ятlани кьиле тухузвайди чубан я. 

Рубрика

Комментарии

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.