Дуст ЗехитI Гьашимаз, адан хва кьейи тазиятдал, адан дерт-хажалат акурла, лагьанвай гафар.
Гьашим, я зи азиз дустум,
Халикьдин фарман я фагьум!
Ви гьалдикай я заз малум,
Дердинин дарман фагьума!
Сад Аллагьди кутур ери,
Дуьньядин халкьдин неби,
Шагьадат пияла хъвайи,
Мегьамед расул фагьума!
Гъалиб хьана гьайдар Гьали -
Виш агъзур кьушундин ери,
Зульфикъардал женглу хьайи,
Аллагьдин аслан фагьума!
Угьуд дагъда дяве хьайи,
Аскеррикай чара хьайи,
Пудкъанни цIуд парча хьайи,
Гьемзет пагьлуван фагьума!
Дербен-пару залзал(а) авур,
Эгьли килфет гьабдал авур,
Пагьливанар мягьтел авур,
Реббиа Салман фагьума!
Ви килфетар сефил тахьуй,
ТIеатдикай гъафил тахьуй,
РикIе чIуру фуьгъуьл тахьуй,
А гуьзел Къуръан фагьума!
ЗахитI Гьашим я бейчара,
Хийир-дуьа ая пара,
Сефил тахьуй дустар ара -
Рагьимни Рагьман фагьума!
АШУГ КУРБАН (1740-1795)
Добавить комментарий