Перейти к основному содержанию

Гьажимет Сафаралиев

Сафаралиев Гьажимет Нурметович 1949- йисуз Ленинградца дидедиз хьана. Юкьван школа ва Дагъустандин хуьруьн майишатдин институт куьтягьна, ада вичин бубадин пеше - чехирчивал кьуна: гзаф йисара Петербургда авай Дагъустандин шампан чехиррин заводдин директорвиле кIвалахзава.
Гь.Сафаралиев писатель-юморист ва сатирик я. Ада вичин куьруь-куьруь эсерар урус чIалал кхьизва, Урусатдин газетрин ва журналрин чинриз акъудзава. Абурукай са бязибур ("Телефондай ихтилат", "Къизил балугъ гьамамда", "Эхиримжи нетижа", "Сифте гафун чкадал", "Кавказдин куьруь тост" ва мсб.) М.Жалилова лезги чIалаз элкъуьрнава. Заридин эсеррин кьилин тема алай девирдин яшайиш, инсанрин кьисметар ва къилихар, дуьньядин ва табиатдин гьалар я. Ам нукьсанрал, эксиквилерал хъуьтуьлдаказ хъуьрезва, кIелзавайдаз ахлакьдин тербия гуз алахъзава. 1994-йисуз Петербургда Гь. Сафаралиеван "Чехирчидин кхьинар" тIвар алай ктаб акъатна.

Акимов Къ. Х. «Лезги зарияр»

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.