Зи хтулар

Зи хтулар- ам девлет я зи уьмуьрдин,
Ам зи багъди заз гъанавай бегьер я.
Мурадар я, зи рик1инни фикирдин,
Зи уьмуьрдин пакама я, сегьер я.
Килигайла, цуьквер хьтин аквада.
Ширин я заз, абур дагъдин вирт хьитин.
Къацу ч1урал к1елер хьитин къугъвада,
Абур такур югъ фида зи лап четин.
Лал жеда чи к1вал, авачирла хтулар,
К1вале анжах сят рахадай ван жеда.
Сугъул жеда а буш к1вале чи гьалар,
Зунни къари михьиз кур пашман жеда.
Мягьтеларда абру рахар гафари
Билбилар хьиз гьакьван ширин рахада
На лугьуда цуьквер я гъанвай гатфари
Чаз-чи хтулар гьакьван иер аквада
Птуларни хьанва чаз ,пара шад я чун
Сад акурла-сад рик1елай фир хьитин
Тестикьзава бахтлу ксаркай сад я зун
Гьахъ я, веледрилай хтулар я ширин

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.