Шаир, гьикаятчи ва драматург Исмаилов Абдуселим Абумислимович 1947-йисуз С. Сулейманан райондин КIеле хуьре дидедиз хьана. Ада Уружбадин юкьван школа ва Дагъустандин университет куьтягьна, мектебда, лезги радиодин ва "Коммунист" газетдин редакцийра кIвалахна. Алай вахтунда ам ДР-дин писателрин союздин литературадин журналрин кьилин редактордин заместитель я.
Абдуселим Исмаилов литературадиз аялар патал теснифзавай шаир яз атана, гуьгъуьнлай ам чIехибур патал шиирар, поэмаяр, повестар ва драмадин эсерар кхьинал элячIна. Зари "Кагьрабаяр", "Чилин бахт", "Яргъируш", "Чигедин стIалар", "Саламан пакама", "Вацран мичIер" ва маса ктабрин автор я.
Лезги театрди драматургдин "Чигали"(1990), "КIвал хъитIкьина" (1994), "Дустагъда мехъер" (1994) ва «Къарачияр» (2001) пьесаяр сегьнеламишна.
Зари РФ-дин писателрин союздин член, "ДР-дин лайихлу работник" я.
Акимов Къ. Х. «Лезги зарияр»
Добавить комментарий