Перейти к основному содержанию

Шииратдин са кIватIал

Гъурбатдавай атир галай цуькверлай,
Багьа я заз зи ватандин къалгъанар.
Ухшар я чун алатайдаз рекьелай -
Хайи чилихъ цIигел хьанвай инсанар.
 
Ватандин тIал ава лугьуз зи чанда,
Ялда вичихъ Лезгистандин эверди.
Гьар иер гаф заз шиирда тваз кIанда,
Нур гуй лугьуз зи илгьамдин бегьерди.
 
РикI цIразва, зи вил хьана  дидедихъ, 
Хайи хуьруьхъ – рикIиз чими дигедихъ .
Шуршурдин ван япарава булахдин,
Заз махпурдал  къекъвез кIан я  яйлахдин.
 
Каспи гьуьлуьз салам гуда Невадлай:
(Адаз за гаф ганавай тир лап фадлай.)
Эвер гуда за, дустар, квез Мамрачдал,
Ша, туькIуьрин шииратдин  са кIватIал.

Комментарии

Агьмедпаша
22.03.2017

Гьуьрметлу Гуьзель, вахъ мадни зурба агалкьунар хьурай шииратда! "Куьредин ярар" культурадин центрди лезги ч1алакай ва Сулейманакай кхьенвай шиирар аваз к1ват1алар чапдиз гьазурзава. Квехъ гьахьтин шиирар ават1а, т1алабда электронный почтадай агакьарун.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.