Лезги чIала цIийи гафар бязи вахтара гафуни санлай ваъ, эхиррин куьмекдалди арадиз гъида

Лезги чIала цIийи гафар бязи вахтара гафуни санлай ваъ, адан тек са формади, са вариантди талукь парадигмадин, эхиррин куьмекдалди арадиз гъида. Ихьтин дуьшуьшра гаф арадиз гъидай формант яз къалурдай гафунин эхирдин ва цIийи гафунихъ акал хъжедай эхиррин вири парадигмадикай менфят къачуда:
 
     Агьар-ар - къаргъишар
     Акун-ар - инсандин винел патан лишанар
     Амукьа-яр - алатай вахтарилай амай са вуч ятIани
     Гатфар-ар - гатфариз цадай магьсулар
     ГалчIур-ар - живедилай пар тухун патал раснавай улакь
     Гатун-ар - фад жедай ичер
     Гзаф-ар - кьадардиз пара инсанар
     Гургур-ар - цIун ялавар
     Гуьнгер-ар - бурандин афарар
     Гьалав-ар - чамран мукьва-кьилийри сусал кьил чIугваз къведайла гъидай затIар
     Зангал-ар - метIел кьван яргъивал авай, чими хьун патал алукIдай кIвачин къапар
     Яргъи-яр - гзаф ва манасуз ихтилатар
     КьантI-ар - къубудин, кIеледин, регъуьн кьилихъ хкаж хьанвай чка
     Къургъ-ар - кичIерар
     Кьеркь-ер - дегь чIавара дяведа алукIдай пекер
     КIура-яр - куьлуь майваяр
     Мегьеж-ар - айвандин чина, муькъуьн, гурарин къвалара твадай чахчахар
     Нанах-ар - нен тийидай хъчар
     ХъуьтIуьн-ар - зулуз къарагъарна, хъуьтIуьз бушдиз тадай никIер

"Самур" газет

Рубрика

Комментарии

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.