Къачу ва кIела!

Алам журнал

“Аламдин” цIийи тилит акъатнава
Журналди вичин кIелзавайбур и гъилерда гзаф вил рекьеллаз  туна: цIийи йисан 1-нумра апрелдин вацра акъатна. Себебар кIелзавайбур патал тажуб жедайбур туш: чапханайри чпин гьакъияр пара авун, журнал акъатуник къуьн кутазвайбурун такьатрин кьитвилер ва икI мад. ЯтIани, цIийи тIилит гьам оформлениядин, гьакIни тематикадин жигьетдай вили кьадайди хьанва.
Журналди сифте чинлай кьил кутуна чи чIехи шаир, драматург ва кхьираг Забит Ризванов дидедиз хьунин 90 йисаз талукь материалар ганва. Редакциядин “Руьгь шад хьурай", Медет Арзуманован "Халу", Ризван Ризванован "Манифест", Фейруз Беделован "Зи университетар" тIвар алай макъалаяр и цIиргъиник акатзавайбур я.
Шаир Зерифе Кьасумовади и тилитдик чIехи пай кутунва. Бажиханум Исаевадин "Дамаха къелем" ктабдиз кхьенвай "Багьа инсан, чIехи шаир" кьил ганвай, Лезги Няметан "Хкягъай эсерриз" талукь "Кьиле даим  тIурфан хьайи шаир" тIвар алай рецензияр гуьгъуьнин йисара и жанрда кхьенвай лап хъсан чешнейрикай гьисабиз жеда. Идалай алава журналда шаирдин вичин 60 йисаз талукь яз “Шииррин кIунчI”  чапнава.
Профессор Ярали Яралиеван "Египетдин чар: дешифовкайрин гъалатIар" кьил алай, Ризван Ризванован къелемдикай хкатнавай "Шеро тухумдикай тир Иоаннахъ Давидан шел", Дарвин Велибекован "Лезги чIал: инсаниятдин сифтебурукай сад", Людмила Жавадовадин "Миф" роман лезги прозада цIийивал я"- чIалан, литературадин тарихдал рикI алайбур патал марагълубур я. 
Абир ЭчIехвидин нубатдин сефердин магьсул тир "Гьажи Давутан хайи хуьр" кьил алай рекъин къейдер, гьакIни Камран Аламвидин "Айиша хала" очеркни квевай и тилит къачуна кIелиз жеда. 
Журналдин цIийи тилитда гьакIни чара-чара инсанрин портретар, рикIел хкунар, ктабрикай куьруь рецензияр, жегьил шаиррин шиирар гьатнава.                           

“КцIар” газет

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.