Вили цавук ккIанвай чил
Цифери кьур дагъдин кьилел,
Вахъай яргъа, яр, зун сефил,
Секинсуз я текдиз дагъда.
Дагъдин цIара физвай йисар,
Тик чархарал элкъвез лекьер,
Дагъди заз гьахъ ганай тарсар,
КукIушрал дуьз авач рекьер.
Кьуру къванер вуч я чилин,
Гайила заз гъетери наз,
Лув гуз, лекь хьиз, цавар - чуьллер,
Яргъавайди гъизвай патав.
Экуь цава къушар я гур,
Дадмишиз кIанз яргъал анар,
Гьайиф! дагъда живеди кьур,
Кими я, яр, заз ви кинар
Рубрика
Добавить комментарий